Миёни кормандони ҳифзи ҳуқуқ мусобиқаҳои шашкаю шоҳмот баргузор гардиданд
ДУШАНБЕ, 05.02.2018 /АМИТ «Ховар»/. Бахшида ба Соли рушди сайёҳӣ ва ҳунарҳои мардумӣ дар Маҷмааи варзишии «Динамо»-и Вазорати корҳои дохилии Ҷумҳурии Тоҷикистон миёни кормандони мақомоти ҳифзи ҳуқуқ, сохторҳои қудратӣ ва дигар вазорату идораҳои давлатии Ҷумҳурии Тоҷикистон барои дарёфти «Ҷоми Вазири корҳои дохилӣ» аз намуди шашка ва шоҳмот мусобиқаҳои варзишӣ баргузор гардиданд.
Тавре аз Вазорати корҳои дохилӣ ба АМИТ «Ховар» хабар доданд, дар мусобиқаҳо зиёда аз 16 даста ва 100 нафар варзишгарон барои ишғоли ҷойҳои намоён байни худ қувваозмоӣ намуданд. Ҳамин тариқ, дар мусобиқаи шашка дастаи Вазорати корҳои дохилӣ соҳиби ҷои аввал, Донишкадаи тарбияи ҷисмонии Тоҷикистон соҳиби ҷои дуюм ва дастаи варзишгарони Кумитаи давлатии амнияти миллии Ҷумҳурии Тоҷикистон ҷои сеюмро соҳиб гардиданд.
Дар мусобиқаи шоҳмот дастаи Донишкадаи тарбияи ҷисмонии Тоҷикистон ҷойи аввалро ишғол намуд. Ҷои дуюм насиби Донишгоҳи миллии Тоҷикистон гардида, ҷойи сеюмро Вазорати мудофиаи Ҷумҳурии Тоҷикистон ба даст овард.
Ба ғолибон аз номи роҳбарияти Вазорати корҳои дохилӣ Ҷом, медал, Сипоснома ва туҳфаҳои қиматнок тақдим карда шуданд.
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
Имрӯз дар водиҳои Тоҷикистон ҳаво то 38 дараҷа гарм мешавад
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
