«Панҷшер» ба даври нимфиналии Ҷоми ФФТ роҳ ёфт

ДУШАНБЕ, 12.02.2018 /АМИТ «Ховар»/. Имрӯз  дар Варзишгоҳи марказии шаҳри Ҳисор рақобатҳои гурӯҳии даври сеюми Ҷоми ФФТ байни  дастаҳои  футболи  «Панҷшер»-и  Ҷалолиддини Балхӣ ва  «Истаравшан» -и Истаравшан баргузор шуд.

Тавре аз Федератсияи футболи Тоҷикистон ба  хабарнигори  АМИТ «Ховар» иттилоъ доданд, бозӣ байни  дастаҳо ҷолиб сурат гирифта, бо ҳисоби 2:1 ба  фоидаи футболбозони дастаи  «Панҷшер»-и Ҷалолиддини Балхӣ  хотима ёфт. Акнун баъди ин пирӯзӣ шогирдони Алиёр Ашурмамадов ба даври нимфиналии Ҷоми ФФТ  роҳ ёфтанд.

Ёдовар мешавем, ки   дастаи  футболи «Панҷшер»-и Ҷалолиддини Балхӣ  дар даври якуми Ҷоми ФФТ   бар  дастаи  «Локомотив Помир»-и Душанбе  бо ҳисоби 4:2 ғолиб омада буд.