Сафири Тоҷикистон бо Прокурори генералии Арабистони Саудӣ мулоқот намуд
ДУШАНБЕ, 07.02.2018. /АМИТ «Ховар»/. Сафири фавқулода ва мухтори Ҷумҳурии Тоҷикистон дар Шоҳигарии Арабистони Саудӣ Заробиддин Қосимӣ бо Прокурори генералии мамлакат Сауд ибни Абдулло ал-Муъҷиб мулоқот намуд. Дар ин бора ба АМИТ «Ховар» аз Сафорати Ҷумҳурии Тоҷикистон дар Шоҳигарии Арабистони Саудӣ хабар доданд.
Гуфта мешавад, ки дар вохӯрӣ масоили вобаста ба ҳамкории мақомоти ҳифзи ҳуқуқи ду кишвар дар мубориза бо ҷинояткорӣ, хусусан ҷиноятҳои созмонёфтаи фаромиллӣ мисли терроризму ифротгароӣ баррасӣ шуданд.
Ба мувофиқа расондани санадҳои ҳуқуқии ҳамкорӣ дар ин самт низ аз мавзӯъҳои муҳими суҳбат буд.
Ҳарду ҷониб ҳавасмандии худро ба таҳким ва густариши ҳамкорӣ таъкид намуданд.
Хотиррасон менамоем, ки моҳи октябри соли гузашта дар шаҳри Душанбе Прокурори генералии Ҷумҳурии Тоҷикистон Юсуф Раҳмон ва Раиси Суди Олии Ҷумҳурии Тоҷикистон Шермуҳаммад Шоҳиён бо Прокурори генералии Шоҳигарии Арабистони Саудӣ Сауд ибни Абдулло ал-Муъҷиб, ки бо сафари корӣ ба Тоҷикистон ташриф оварда буд, мулоқот доштанд. Зимни ин мулоқотҳо зикр шуда буд, ки Тоҷикистону Арабистони Саудӣ имкониятҳои зиёди ҳамкорӣ дар соҳаи ҳифзи ҳуқуқ ва риояи қонунгузорӣ доранд ва метавонанд барои мусоидат дар таъмини суботу осоиштагӣ, мубориза бар зидди ҷинояткории муташаккили фаромиллӣ, терроризму экстремизми байналмилалӣ ҳамкории судманди дуҷониба ҷорӣ кунанд.
Раиси вилояти Хатлон дар Қазоқистон бо ҳамватанон ва соҳибкорони тоҷик вохӯрӣ намуд
Дар марказҳои таълимии шаҳри Кӯлоб аз рӯи 52 касбу ихтисос мутахассис омода карда мешавад
Имрӯз дар шаҳри Душанбе ҳаво то 33 дараҷа гарм мешавад
Дар Коллеҷи омори шаҳри Ваҳдат ба муносибати қабули ташаббуси навбатии ҷаҳонии Тоҷикистон ҳамоиши илмӣ баргузор шуд
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
