Сафири Ҷумҳурии Тоҷикистон дар Ҷумҳурии Туркия бо Вазири корҳои хориҷии Туркия мулоқот намуд

ДУШАНБЕ, 22.02.2018 /АМИТ «Ховар»/. 20 феврали соли 2018 мулоқоти Сафири Ҷумҳурии Тоҷикистон дар Ҷумҳурии Туркия Маҳмадалӣ Раҷабиён бо Вазири корҳои хориҷии Ҷумҳурии Туркия Мевлут Чавушоғлу баргузор гардид.

Тавре аз Вазорати корҳои хорҷии Ҷумҳурии Тоҷикистон ба АМИТ «Ховар» хабар доданд, дар мулоқот доираи васеи масъалаҳои муносибат ва ҳамкории миёни ду давлат дар соҳаҳои сиёсӣ, иқтисодӣ-тиҷоратӣ, маориф, фарҳанг, сайёҳӣ ва дурнамои ҳамкории дуҷонибаи Тоҷикистону Туркия мавриди баррасӣ қарор гирифтанд.

Ҷонибҳо зарурати тавсеаи ҳамкории фарогири мутақобилан судмандро таъкид намуда, барои бештар фаъол гардонидани абзори мавҷуда бо мақсади дастрасӣ ба ҳадафҳои муштарак изҳори омодагӣ намуданд.