«Сомон Эйр» ба Германия парвози башардӯстона анҷом дод
ДУШАНБЕ, 17.02.2018 /АМИТ «Ховар»/. Ширкати ҳавопаймоии «Сомон Эйр» кӯдакони ба ҷарроҳиҳои мураккаб ниёзмандро аз Душанбе ба Германия интиқол дод. Хатсайри мазкур бо дархости Созмони байналмилалии хайрияи «Киндердорф Интернешнл» сурат гирифта, ҳавопаймои «Сомон Эйр» аз фурудгоҳи Душанбе ба Кобул, пасон ба Тошканд, Тбилисӣ ва дар ниҳоят ба Дюсселдорф, ки он ҷо ба кӯдакони кишварҳои гуногуни дунё ёрии тиббӣ расонида мешавад, парвоз намуд.
Тибқи барномаи мазкур, аз Тоҷикистон, Афғонистон, Ӯзбекистон ва Гурҷистон ба Германия беш аз 100 нафар кӯдакон интиқол дода шуданд.
17 феврал ҳавопаймо бо гурӯҳи кӯдакон бо хатсайри муайяншуда аз Дюсселдорф бармегардад.
Бояд гуфт, ки дар айни замон «Сомон Эйр», ки аз моҳи сентябри соли гузашта узви ИАТА мебошад, бо муваффақият парвозҳоро аз Тоҷикистон ба самти Германия, Аморати Муттаҳидаи Араб, Туркия, Чин, Россия ва Қазоқистон анҷом медиҳад. Парки ҳавопаймоии ширкат аз ҳавопаймоҳои Боинг 737 – 300, -800 ва -900 иборат мебошад.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
