Варзишгарони тоҷик то соли 2017 дар Бозиҳои Осиё 21 медал ва дар Бозиҳои олимпӣ 4 медал ба даст овардаанд
ДУШАНБЕ, 14.02.2018 /АМИТ «Ховар»/. Кумитаи миллии олимпии Ҷумҳурии Тоҷикистон соли 1992 таъсис ёфта, 24 сентябри соли 1993 ба узвияти Кумитаи байналмилалии олимпӣ пазируфта шудааст. Кумита ҳамчунин узви Шӯрои олимпии Осиё, Ассотсиатсияи кумитаҳои миллии олимпӣ ва Федератсияи Бозиҳои исломӣ мебошад.
Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз соли 2009 роҳбари Кумитаи миллии олимпии Тоҷикистон мебошанд.
Таҳти роҳбарӣ ва ғамхориҳои Пешвои миллат дастаи мунтахаби олимпии Тоҷикистон бори аввал соли 1994 дар Бозиҳои тобистонаи Осиё, ки дар шаҳри Хиросимаи Япония баргузор шуд, иштирок кард. Дар бозиҳои олимпӣ аввалин маротиба зери парчами Ҷумҳурии Тоҷикистон соли 1996 (Атланта, ИМА) ширкат намуд. Варзишгарони тоҷик то соли 2017 дар Бозиҳои Осиё 21 медал ва дар Бозиҳои олимпӣ 4 медал (1 тилло, 1 нуқра, 2 биринҷӣ) ба даст овардаанд.
Аввалин медали Бозиҳои олимпиро Расул Боқиев сазовор шуд. Ӯ дар Бозиҳои олимпии Пекин-2008 (Чин) дар намуди дзюдо (вазни -73 кг) медали биринҷӣ ба даст овард. Медали дуюмро (нуқра) дар Бозиҳои олимпии Пекин-2008 Юсуф Абдусаломов аз намуди гӯштини озод (вазни -84 кг) гирифт. Дар Бозиҳои олимпии Лондон-2012 Мавзуна Чориева дар намуди бокс миёни бонувон (вазни -60 кг) сазовори медали биринҷӣ шуд. Соли 2016 дар Бозиҳои олимпии Рио-де-Жанейро Дилшод Назаров дар намуди гурзандозӣ аввалин медали тиллоро ба Тоҷикистон овард.
Аввалин медали (биринҷӣ) Бозиҳои Осиёро Хайрулло Назриев дар намуди дзюдо (соли 1994, Хиросима) сазовор гаштааст.
Варзишгарони мо дар Бозиҳои Осиё 4 медали тилло, 3 нуқра, 14 биринҷӣ ба даст овардаанд. 3 медали тилло ба гурзандоз Дилшод Назаров ва 1 медали тилло ба муштзан Ҷаҳон Қурбонов мансуб аст.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
