Вазорати фарҳанг дар Соли рушди сайёҳӣ ва ҳунарҳои мардумӣ сенарияи филми ҳуҷҷатӣ оид ба рақси мардумии тоҷикро таҳия намудааст
ДУШАНБЕ, 07.02.2018. /АМИТ «Ховар»/. Имсол дар Иттиҳоди Давлатҳои Мустақим Соли фарҳанг ва дар ҷумҳурӣ Соли рушди сайёҳӣ ва ҳунарҳои мардумӣ эълон гардид, ки дар робита ба ин Вазорати фарҳанг баргузории тадбирҳои мушаххасро роҳандозӣ намудааст. Ин матлабро Вазири фарҳанги Ҷумҳурии Тоҷикистон Шамсиддин Орумбекзода имрӯз зимни нишасти матбуотӣ бо иштироки доираи васеи хабарнигорон баён дошт.
Вазири фарҳанг зикр намуд, ки дар ин самт сафарҳои зиёд ба хориҷи мамлакат ҷиҳати намоиш додани ҳунарҳои мардумӣ ва даъвати ҳунармандони давлатҳои ҳамсоя ба ҷумҳурии мо дар назар дошта шудаанд.
Шамсиддин Орумбекзода афзуд, ки соли сипаригардида аз ҷониби кормандони илмии пажӯҳишгоҳ 140 кори илмӣ, пажӯҳишӣ, тадқиқотӣ ва методӣ, аз ҷумла, 8 китоб ва 132 мақолаи илмӣ ба табъ расиданд. Ҳамзамон сенарияи филми ҳуҷҷатӣ оид ба рақси мардумии тоҷик таҳия гардида, 60 мақолаи энсиклопедӣ доир ба «Мероси фарҳанги ғайримоддӣ дар Тоҷикистон» ба идораи Энсиклопедияи миллии тоҷик барои чоп супорида шуд.
Аз ҷониби ходимони илмии Пажӯҳишгоҳи илмӣ-тадқиқотии фарҳанг ва иттилоот бахши «Санъати чакандӯзӣ дар Тоҷикистон» таҳия гашта, барои сабт ба Феҳристи репрезентативии ЮНЕСКО пешниҳод гардид. Ин ҳама аз рушди ҳунарҳои мардумӣ ва муаррифии фарҳанги миллӣ шаҳодат медиҳанд.
Вазири фарҳанг дар масъалаи норасоии кадрҳои баландихтисос дар соҳаи фарҳанг иброз намуд, ки «Вазорати фарҳанг дар ин самт корҳои зиёдеро ба анҷом расониданист. Охири моҳи декабри соли сипаригардида масъулини Вазорати фарҳанг бо мудирони Раёсат, бахшҳои фарҳанги шаҳру ноҳияҳои ҷумҳурӣ, инчунин муассисаҳои сатҳи ҷумҳуриявии вилояти Хатлон оид ба соҳаи фарҳанг, масъалаҳо ва камбудиҳои дар Паёми Пешвои миллат зикршуда суҳбат гузаронида, аз онҳо талаб карданд, ки ба ин масъала диққати ҷиддӣ равона созанд».
Ба иттилои Ш. Орумбекзода, бахшҳои фарҳанг муваззаф гардидаанд, ки оид ба масъалаи ҷобаҷогузории кадрҳо ва тайёр кардани мутахассисони баландихтисоси соҳа тадбирҳои зарурӣ андешанд.
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Бахшида ба ҷашни Меҳргон Форуми байналмилалии «Сайёҳии устувор ва мероси фарҳангӣ» баргузор мегардад
Кормандони соҳаи фарҳанг бо мукофотҳои давлатӣ сарфароз гардиданд
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
