Дар шаҳри Берлин Соли рушди сайёҳӣ ва ҳунарҳои мардумӣ таҷлил гардид
ДУШАНБЕ, 14.03.2018 /АМИТ «Ховар»/. Дар ҳошияи Намоишгоҳи байналмилалии Берлин-2018 бо ташаббуси Сафорати Ҷумҳурии Тоҷикистон дар Германия дар бинои Сафорат 9 март ба муносибати Соли рушди сайёҳӣ ва ҳунарҳои мардумӣ дар Ҷумҳурии Тоҷикистон ҳамоиши сайёҳӣ баргузор гардид.
Тавре аз Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд, ба ҳамоиш роҳбарони 16 ширкати сайёҳии ватанӣ бо роҳбарии муовини аввали раиси Кумитаи рушди сайёҳии назди Ҳукумати Ҷумҳурии Тоҷикистон Ҳабибулло Амирбекзода, роҳбари намояндагии Бонки рушди Германия дар Тоҷикистон Керстин Лаабс, намояндагони Вазорати корҳои хориҷии Германия, Кумитаи шарқи иқтисоди Германия, ширкатҳои сайёҳӣ, коршиносон, аъзои Ҷамъияти дӯстии Германияю Тоҷикистон ва донишҷӯёни тоҷик даъват гардиданд.
Зимни ҳамоиш Сафири Тоҷикистон Маликшо Неъматов ба ҳам овардани ширкатҳои сайёҳии Тоҷикистону Германияро василаи ҷалби ҳарчӣ бештари сайёҳон ба Ҷумҳурии Тоҷикистон унвон кард.
Муовини аввали раиси Кумитаи рушди сайёҳии назди Ҳукумати Ҷумҳурии Тоҷикистон Ҳ. Амирбекзода ба ҳозирин оид ба тадбирҳои андешидаи Ҳукумати Ҷумҳурии Тоҷикистон барои рушди соҳаи сайёҳӣ ва ҳадафҳои неки Пешвои миллат ҷиҳати эълон намудани Соли рушди сайёҳӣ ва ҳунарҳои мардумӣ маълумоти муфассал дод. Инчунин дар ҳамоиш роҳбари намояндагии Бонки рушди Германия дар Тоҷикистон хонум Керстин Лаабс, муаллифи китоби «Роҳнамои сайёҳ ба Тоҷикистон» ба забони немисӣ хонум Дагмар Шрайбер ва роҳбари ширкати сайёҳӣ Саъдулло Ҳасанов эълон гардидани Соли рушди сайёҳӣ ва ҳунарҳои мардумиро дар Тоҷикистон саривақтӣ ва муҳим арзёбӣ карданд.
Сафорати Тоҷикистон гӯшаҳои сайёҳӣ ва фарҳангӣ таҳия карда, ба маърази меҳмонон пешниҳод намуд.
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
