Хуршед Каримзода бо Абдулазиз ибни Муҳаммад Ал-Бодӣ мулоқот намуд
ДУШАНБЕ, 16.03.2018 /АМИТ «Ховар»/. 14 марти соли равон Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода Сафири фавқулода ва мухтори Подшоҳии Арабистони Саудӣ дар Ҷумҳурии Тоҷикистон Абдулазиз ибни Муҳаммад Ал-Бодиро ба ҳузур пазируфт.
Тибқи иттилои маркази матбуоти Хадамоти гумрук, зимни мулоқот, ки дар фазои дӯстона ва ҳамдигарфаҳмӣ сурат гирифт, ҷонибҳо масъалаҳои густариши ҳамкории дуҷониба дар бахши фаъолияти гумрукии Ҷумҳурии Тоҷикистон ва Арабистони Саудиро баррасӣ намуданд.
Ҳамчунин атрофи дигар масоили мубрами рушди ҳамкории гумрукӣ ва иқтисодию тиҷоратӣ мубодилаи афкор сурат гирифт.
Дар интиҳои мулоқоти судманд тарафҳо ба мувофиқа омаданд, ки барои дар сатҳи зарурӣ ба роҳ мондани ҳамкории дуҷонибаи самаровар минбаъд низ ҷидду ҷаҳд хоҳанд кард.
Инчунин дар вохӯрии мазкур котиби сеюми Раёсати кишварҳои Осиё ва Африқои Вазорати корҳои хориҷии Ҷумҳурии Тоҷикистон, котиби сеюми Сафорати Шоҳигарии Арабистони Саудӣ Абдуллоҳ Муҳаммад Ал-Ҳаримлаҳ ва кормандони масъули мақомоти гумрук иштирок намуданд.
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
Имрӯз дар водиҳои Тоҷикистон ҳаво то 38 дараҷа гарм мешавад
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
