Имрӯз дар Россия дар иртибот ба сӯхтори шаҳри Кемерово рӯзи мотам эълон гардидааст

ДУШАНБЕ, 28.03.2018. /АМИТ «Ховар»/. Рӯзи чоршанбе дар Россия дар робита ба сӯхтори маркази савдои «Зимняя вишняя»-и шаҳри Кемерово, ки бар асари он беш аз 60 нафар, аз ҷумла, кӯдакони зиёд қурбон шуданд, рӯзи мотам эълон шудааст. Дар ин бора «Интерфакс» менависад.

Ба иттилои манбаъ, дар тамоми қаламрави Россия парчамҳои давлатӣ поён фароварда шуда, муассисаҳои фарҳангӣ ва шабакаҳои телевизионӣ ва радиоӣ чорабиниҳо ва барномаҳои дилхушии худро қатъ кардаанд.

Ёдрас мешавем, ки 25 март дар маркази савдои «Зимняя вишняя»-и шаҳри Кемерово сӯхтор сар зад. Тибқи маълумоти охир, бар асари сӯхтор 64 нафар, аз ҷумла, 40 нафар кӯдакон қурбон шуда, чанд тани дигар маҷрӯҳ ва бедарак гардиданд.