Ҷомӣ ва Навоӣ-рамзи дӯстии безаволи халқҳои тоҷику ӯзбек
ДУШАНБЕ, 16.03.2018 /АМИТ «Ховар»/. Мероси адабии шоирони барҷастаи адабиёти классикии халқҳои тоҷику ӯзбек-Абдураҳмони Ҷомӣ ва Алишери Навоӣ тараннумгари дӯстиву рафоқат, бародарию ваҳдат ва дигар фазилатҳои неки инсонӣ мебошад. Ин нукта дар ҳамоише, ки дар Душанбе дар мавзӯи «Абдураҳмони Ҷомӣ ва Алишери Навоӣ: рамзи дӯстиву рафоқати халқҳои тоҷику ӯзбек» доир гардид, зикр шуд.
Ҳамоиш бо ибтикори Маркази тадқиқоти стратегии назди Президенти Ҷумҳурии Тоҷикистон созмон дода шуда, дар он олимон ва адабиётшиносони тоҷик ширкат доштанд. Ҳамоиши мазкур дар партави сафари давлатии Президенти Ҷумҳурии Ӯзбекистон Шавкат Мирзиёев ба Ҷумҳурии Тоҷикистон, ки рӯзҳои 9-10 марти соли равон доир гардид, гузаронида шуда, ҳадафаш тақвияти равобити илмию фарҳангии Тоҷикистону Ӯзбекистон аст.
Дар ҳамоиш директори Маркази тадқиқоти стратегии назди Президенти Ҷумҳурии Тоҷикистон Худобердӣ Холиқназар, Сафири Фавқулода ва Мухтори Ҷумҳурии Ӯзбекистон дар Ҷумҳурии Тоҷикистон Эргаш Шоисматов доир ба тавсеаи равобити мутақобилан судманди ду давлати дӯсту бародар –Тоҷикистону Ӯзбекистон сухан карда, сафари давлатии Президенти Ҷумҳурии Ӯзбекистон Шавкат Мирзиёев ба Ҷумҳурии Тоҷикистон ва ба имзо расонидани 27 созишномаи байнидавлатиро гардиши муҳим дар самти равобити байнидавлатӣ миёни ду кишвари ҳамҷавор арзёбӣ намуданд.
Таъкид гардид, ки дар шаҳри бостонии Самарқанд пайкараи шоирони машҳури адабиёти классикии халқҳои тоҷику ӯзбек Абдураҳмони Ҷомӣ ва Алишери Навоӣ гузошта шудааст. Ҳамзамон дар пойтахти Тоҷикистон- шаҳри Душанбе боғе ба номи Алишери Навоӣ гузошта шуда, дар он пайкараи Мавлоно Абдураҳмони Ҷомӣ ва Мир Алишери Навоӣ қомат меафрозанд, ки таҷассумгари дӯстии безаволи халқҳои тоҷику ӯзбек мебошад.
Дар ҳамоиш олимону адабиётшиносони шинохтаи тоҷик доир ба робитаҳои эҷодии Мавлоно Абдураҳмони Ҷомӣ ва Мир Алишери Навоӣ, муносибатҳои дӯстонаи ду шоири шинохта ва мероси бои адабии онҳо дар ташаккули адабиёти классикии ду халқи дӯсту бародар –тоҷику ӯзбек табодули назар намуданд.
Дар ҳамоиш Сафири Фавқулода ва Мухтори Ҷумҳурии Ӯзбекистон дар Ҷумҳурии Тоҷикистон Эргаш Шоисматов ба директори Маркази тадқиқоти стратегии назди Президенти Ҷумҳурии Тоҷикистон Худобердӣ Холиқназар китоби «Ҷомӣ ва Навоӣ»-ро ки дар Ӯзбекистон бо забонҳои тоҷикӣ, ӯзбекӣ ва русӣ нашр гардидааст, тақдим намуд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
