ТАҚВИМИ АМИТ «ХОВАР»: Имрӯз 15 март, панҷшанбе, 74-умин рӯзи соли 2018 аст

Тақвими моро дар ин гӯша

шореҳ Шукӯҳи ДАЛЕР варақ мезанад:

15 марти соли 2007 дар шаҳри Душанбе дар ҷараёни сафари дурӯзаи Президенти Озарбойҷон Илҳом Алиев ба Тоҷикистон 11 созишномаи байнидавлатӣ ба имзо расид.

***

8 сол пеш, 15 марти соли 2010 Сарвари давлат Эмомалӣ Раҳмон ба шаҳри Ваҳдат сафар карда, дар онҷо ба нақби мошингарди «Чормағзак» оғози расмӣ бахшиданд.

***

Дар ин рӯзи соли 2016 Қонуни Ҷумҳурии Тоҷикистон «Дар бораи сармоягузорӣ» ба имзо расид.

15 МАРТ ТАҶЛИЛ КАРДА МЕШАВАД:

Рӯзи байналмилалии ҳуқуқи истеъмолкунандагон.

***

Дар Беларус – Рӯзи Конститутсия.

РӮЙДОДҲО:

 15 марти соли 2016 дар  маркази ноҳияи Рӯдакӣ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  дар вазъияти тантанавӣ бо буридани лентаи рамзӣ ба фаъолияти Маркази саломатии ноҳия оғози расмӣ бахшиданд.

***

15 марти соли 2012 дар Вазорати корҳои хориҷӣ Созишномаи байни ҳукуматҳои Тоҷикистону Япония дар бораи амнияти озуқавии фермерҳои камбизоат ба воситаи табодули ёддоштҳо имзо гардид.

***

4 сол пеш, 15 марти солои 2014 дар Варзишгоҳи марказии ҷумҳуриявии шаҳри Душанбе бозиии 3-юми даври финалии Ҷоми ФФТ дар гурӯҳи «А» миёни дастаҳои «Хуҷанд» — «Панҷшер»  ва  «Энергетик» — «Истиқлол» баргузор гардид.

***

15 марти соли 2017 дар шаҳри Душанбе масоили гуногуни ҳамкории ИМА ва Тоҷикистон дар самти ҳолатҳои фавқулода баррасӣ шуданд.

***

Дар ин рӯзи соли 1892 дар Англия клуби футболи «Ливерпул» таъсис дода шуд.

 ИНЧУНИН ДАР ИН РӮЗ…

 Соли 1925 аввалин шумораи рӯзномаи «Иди тоҷик» (ҳоло «Ҷумҳурият») нашр шуд.