ТАҚВИМИ АМИТ «ХОВАР»: Имрӯз 16 март, ҷумъа, 75-умин рӯзи соли 2018 аст

Тақвими моро дар ин гӯша

шореҳ Шукӯҳи ДАЛЕР варақ мезанад:

16 марти соли 2009 Президенти Ҷумҳурии Тоҷикистон Эмомалӣ Раҳмон дар шаҳри Истанбули Туркия дар  Форуми панҷуми ҷаҳонии об суханронӣ намуданд.

***

6 сол пеш, 16 марти соли 2012 дар шаҳри Душанбе дар арафаи ҷашни пурифтихори Наврӯзи оламафрӯз бо дастгирии Сарвари давлат Эмомалӣ Раҳмон 352 оилаи кормандони сохторҳои қудратӣ соҳиби хонаҳои зебои хизматӣ шуданд.

***

Дар ин рӯзи соли 2009 Маҷлиси намояндагони Маҷлиси Олии ҶТ  Қонуни Ҷумҳурии Тоҷикистон «Дар бораи варзиши кӯдакон ва наврасон»- ро дар таҳрири нав қабул кард.

16 МАРТ ТАҶЛИЛ КАРДА МЕШАВАД:

 Дар Қазоқистон – Рӯзи гвардияи ҷумҳуриявӣ.

***

Рӯзи мотами миллии курдҳо.

 РӮЙДОДҲО:

16 марти соли 2009 Маҷлиси намояндагони Маҷлиси Олии ҶТ   лоиҳаи Қонуни Ҷумҳурии Тоҷикистон «Дар бораи таҳсилоти иловагӣ»-ро баррасӣ намуд.

***

16 марти соли 2012 Ҷумҳурии Тоҷикистон ва Бонки ҷаҳонӣ Созишнома дар бораи маблағгузории иловагии лоиҳаи бақайдгирӣ ва сохтори кадрии замин барои рушди устувори хоҷагии қишлоқ, инчунин лоиҳа оид ба паст намудани талафоти энергетикиро ба имзо расониданд.

***

3 сол пеш, 16 марти соли 2015 дар шаҳри Душанбе масъалаи бароҳмонии корхонаҳои муштараки Тоҷикистону Ветнам баррасӣ карда шуданд.

***

16 марти соли 2016 дар Маҷмааи давлатии «Кохи Борбад» 3-юмин Намоишгоҳи байналмилалии сохтмонӣ ва меъморӣ баргузор гардид.

***

Дар ин рӯзи соли 1976 дар конфронси байналмилалии Ямайка созишнома дар бораи низоми нави асъори байналмилалӣ ба имзо расид.

***

23 сол пеш аз ин, 16 марти соли 1995  Арманистон ва Россия шартнома дар бораи  нигоҳдории қувваҳои Россия дар Арманистон ба имзо расид.

***

16 марти соли 2014 раъйпурсии умумиқримӣ баргузор гардид, ки дар натиҷа Қрим ба ҳайати Россия шомил шуд.

 ИНЧУНИН ДАР ИН РӮЗ…

 Соли 2010 дар Хоруғ аввалин шумораи рӯзномаи «Ҳаёт» нашр шуд.

***

Соли 2016 дар Китобхонаи миллии Тоҷикистон дар шаҳри Душанбе ҷаласаи дурӯзаи XXI Шӯрои роҳбарони агентиҳои давлатии иттилоотии давлатҳои ИДМ ба анҷом расид.