ТУҲФАИ «ҶУМҲУРИЯТ» БА КӮДАКИ ҶАҲОНШИНОС
ДУШАНБЕ, 13.03.2018./АМИТ «Ховар»/. Идораи рӯзномаи «Ҷумҳурият» Нӯъмонҷони Хотирмурод – кӯдаки сесолаеро аз деҳаи Урметани ноҳияи Айнӣ , ки истеъдоди фавқулодааш тавассути шабакаҳои иҷтимоӣ ҳамагонро ба ҳайрат овард, бо диплом ва туҳфаи хотиравӣ (планшет) сарфароз намуд. Дар ин бора муовиниаввали сармуҳаррири рӯзнома Моҳира Сангмамадова дар саҳифаи худ дар «Фейсбук» иттилоъ додаст. Ӯ навиштааст:
«…Вусъати ҷаҳоншиносии ин кӯдаки хушзеҳн ҳосили талошҳои падараш – Хотирмурод Мирзоёров аст, ки дар таълиму тарбияи фарзандон масъулияти ҷиддӣ нишон медиҳад. Мо ин ҳақиқатро дар суҳбати рӯ ба рӯ бо волидони Нӯъмонҷон ҳангоми тақдими туҳфаҳо дарёфтем.Хотирмурод Мирзоёров дар шаҳри Екатеринбурги Русия кор мекунад. Ӯ ҳар омаданаш ба Ватан ҷиддан машғули омӯзонидани фарзандони хурдсолаш мешавад. Истеъдоди фарзанди калонаш – Ориёни панҷсола низ қобили таҳсин аст, ки дар суолу ҷавоб бо бародараш рақобат мекунад. Вале тавре мо мушоҳида кардем, Нӯъмонҷон аллакай имкон намедиҳад, ки Ориён аз ӯ пеш гузарад.
Нӯъмонҷон натанҳо кишварҳои ҷаҳонро бо пойтахташон медонад, балки дар кадом қитъаи олам ҷойгир будани ин ё он давлатро аз рӯйи харита бе мушкилӣ нишон медиҳад».
Имрӯз дар водиҳои Тоҷикистон ҳаво то 38 дараҷа гарм мешавад
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 маротиба зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
