Агентии обуҳавошиносӣ: дар Тоҷикистон тайи 3 рӯз боридани борон дар назар аст
ДУШАНБЕ, 06.04.2018 /АМИТ «Ховар»/. Ба иттилои Агентии обуҳавошиносии Тоҷикистон, шурӯъ аз 7 то 10 апрел дар ҷумҳурӣ ҳавои номусоид дар назар дошта шудааст. Боридани борон ва дар баландиҳои 2500 м боридани барф дар назар аст. Рӯзҳои 8 ва 9 апрел ба амал омадани раъду барқ пешгӯӣ мешавад.
Тавре аз Агентӣ ба мухбири АМИТ «Ховар» иттилоъ доданд, дар ин муддат пастшавии ҳарорати рӯзона пешбинӣ шуда, дар водиҳо ҳарорат то 8-10С паст мешавад. Дар вилояти Хатлон, ноҳияҳои тобеи марказ вазиши сахти бод то 15-20 м дар як сония ва ба амал омадани чангу ғубор пешгӯӣ карда мешавад.
Имрӯз, 6 апрел дар вилояти Суғд ҳавои абрноки бебориш дар назар аст. Шамол аз самти шарқ 3-8 метр дар як сония мевазад. Ҳаво дар водиҳо шабона 8-13 ва рӯзона 21-26 дараҷа гарм хоҳад шуд.
Ба иттилои Агентӣ, дар Вилояти Мухтори Кӯҳистони Бадахшон ҳавои абрноки тағйирёбанда шуда, дар ғарби вилоят шабона 2-7 ва рӯзона 18-23 дараҷа гарм хоҳад шуд. Дар шарқи ин вилоят ҳаво шабона 5-10 дараҷа сард ва рӯзона 8-13 дараҷа гарм мешавад. Дар вилояти Хатлон ҳавои тағйирёбанда мешавад. Шамол аз самти шарқ 3-8 метр дар як сония мевазад. Ҳаво шабона 11-16 ва рӯзона 27-32 дараҷа гарм мешавад.
Дар шаҳру ноҳияҳои тобеи марказ ҳаво тағйирёбанда шуда, шабона дар водиҳо 9-14 ва рӯзона 26-31 дараҷа гарм мешавад. Дар шаҳри Душанбе ҳавои камабри тағйирёбанда пешгӯӣ шуда, шабона 10-12 ва рӯзона 28-30 дараҷа гарм мешавад.
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар Донишгоҳи техникӣ ва Донишгоҳи аграрӣ нишасти матбуотӣ баргузор мегардад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
