Ҳайати Тоҷикистон дар Ҷаласаи Шӯрои ҳамоҳангсозони миллии СҲШ дар Пекин иштирок дорад
ДУШАНБЕ, 20.04.2018 /АМИТ «Ховар»/. 19 апрели соли 2018 дар шаҳри Пекин дар Котиботи Созмони ҳамкории Шанхай (СҲШ) ҷаласаи навбатии Шӯрои ҳамоҳангсозони миллии давлатҳои аъзои Созмон ба кори худ шурӯъ кард, ки то 22 апрели соли равон идома хоҳад ёфт.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, ҳайати Тоҷикистон дар ин ҷаласа таҳти роҳбарии Сафири Фавқулода ва Мухтори Ҷумҳурии Тоҷикистон дар Ҷумҳурии Мардумии Чин Парвиз Давлатзода иштирок дорад.
Дар рафти ҷаласа масъалаҳои вобаста ба фаъолияти Созмон ва лоиҳаи ҳуҷҷатҳои бисёрҷониба ҷиҳати омодагӣ ба ҷаласаи дарпешистодаи вазирони корҳои хориҷии давлатҳои аъзои СҲШ ва Ҳамоиши сарони давлатҳои аъзои СҲШ, ки мутаносибан 23 -24 апрели соли 2018 дар шаҳри Пекин ва 9-10 июни соли равон дар шаҳри Чиндаои Ҷумҳурии Мардумии Чин баргузор мешаванд, мавриди муҳокима қарор мегиранд.
Иштирокдорони ҷаласа ҳамчунин масъалаи омодагӣ ба ҷаласаи Шӯрои сарони ҳукуматҳо (сарвазирон)-и давлатҳои аъзои Созмонро, ки моҳи октябри соли 2018 дар шаҳри Душанбе баргузор мегардад, баррасӣ менамоянд.
Сафири Тоҷикистон бо имкониятҳои иқтисодӣ, саноатӣ ва илмии музофоти федеролии Саарланди Олмон шинос шуд
Ҳамкории Тоҷикистон бо Иттиҳоди Аврупо баланд арзёбӣ гардид
Ҳамкории Тоҷикистон ва Австрия дар доираи созмонҳои байналмилалӣ баррасӣ шуд
Дар Женева ҳамкории Тоҷикистон ва Созмони ҷаҳонии тандурустӣ баррасӣ гардид
Вазири корҳои хориҷии Кипр Константинос Комбос дар пояи муҷассамаи Исмоили Сомонӣ гулчанбар гузошт
Ҳайати Тоҷикистон дар ҷаласаи Комиссияи СММ оид ба пешгирии ҷиноят ва адлияи ҷиноӣ дар Женева иштирок дорад
Дар Москва машваратҳои муовинони вазирони корҳои хориҷии Созмони Аҳдномаи амнияти дастҷамъӣ баргузор шуд
Дар қароргоҳи ЮНЕСКО бахшида ба Эъломияи Куруши Кабир конфронси илмӣ баргузор шуд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Нидерланд доир гардид
Ҳамкории Тоҷикистон ва Беларус дар самти аттестатсияи кадрҳои илмӣ баррасӣ гардид
Фаррух Ҳамрализода бо сафири Подшоҳии Нидерланд дар Ҷумҳурии Тоҷикистон Нико Схермерс мулоқот намуд
Cафири Тоҷикистон бо Президенти «Маркази тиҷоратии ҷаҳонӣ»-и иёлати Ютаҳи ИМА вохӯрӣ намуд
