Бонки миллии Тоҷикистон ва Хазинаи байналмилалии асъор ҳамкориро дар бахшҳои гуногуни низоми бонкӣ тавсеа мебахшанд
ДУШАНБЕ, 19.04.2018 /АМИТ «Ховар»/. 17 апрели соли равон ҳайати Бонки миллии Тоҷикистон /БМТ/ таҳти роҳбарии муовини якуми Раиси Бонки миллии Тоҷикистон Ҷамолиддин Нуралиев бо ҳайати Хазинаи байналмилалии асъор /ХБА/ таҳти роҳбарии муовини Директори Департаменти бозорҳои пулӣ ва сармояи ХБА Ҷиҳад Алвазир дар Дафтари асосии Хазинаи мазкур воқеъ дар шаҳри Вашингтони ИМА мулоқоти корӣ доир намуд.
Тавре ба мухбири АМИТ «Ховар» аз БМТ иттилоъ доданд, дар мулоқот ҳайати Бонки миллии Тоҷикистонро Намояндаи Ҷумҳурии Тоҷикистон дар Бонки ҷаҳонӣ ва Хазинаи байналмилалии асъор Илҳом Раҷабов ва ҳайати ХБА-ро роҳбари Хазинаи байналмилалии асъор оид ба Тоҷикистон Падамжа Ханделвал ва як зумра намояндагони сохторҳои ХБА ҳамроҳӣ намуданд.
Зимни мулоқот Ҷамолиддин Нуралиев ба ҷониби ХБА дар бораи масоили пешбурди сиёсати иқтисодии давлат, идоракунии захираҳои байналмилалӣ, татбиқи босамари сиёсати пулию қарзӣ, сиёсати фискалӣ, рушди бахши воқеии иқтисодиёт, таъмини суботи молиявӣ, вазъи низоми бонкии кишвар, татбиқи ислоҳот дар ин самт ва тадбирҳои пешбинишуда маълумот дод.
Аз ҷумла, муовини якуми Раиси Бонки миллии Тоҷикистон зикр намуд, ки дар натиҷаи андешидани як зумра тадбирҳо бо истифода аз фишангҳои муосири иқтисодӣ нишондиҳандаҳои макроиқтисодӣ, аз ҷумла, сатҳи таваррум дар доираи нишондиҳандаҳои пешбинишуда нигоҳ дошта шуд.
Ҳамчунин Ҷамолиддин Нуралиев таваҷҷуҳи Ҷиҳад Алвазирро ба татбиқи барномаҳои якҷояи Бонки миллии Тоҷикистон бо Хазинаи байналмилалии асъор, инчунин мусоидат ба кумакҳои техникӣ дар самти татбиқи ислоҳот дар сиёсати монетарӣ, аз ҷумла, бо истифода аз фишангҳои муосир бо роҳи гузаштан ба ҳадафгирии таваррумӣ ҷалб намуд.
Муовини Директори Департаменти бозорҳои пулӣ ва сармояи ХБА Ҷиҳад Алвазир дар навбати худ зикр намуд, ки ХБА омода аст дар оянда ба Бонки миллии Тоҷикистон кумаки техникӣ пешниҳод намояд.
Дар фарҷоми мулоқот ҷонибҳо ҷиҳати минбаъд тавсеа бахшидани ҳамкорӣ дар бахшҳои гуногуни низоми бонкӣ изҳори омодагӣ намуданд.
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
