Боздиди Сафири Тоҷикистон аз Ширкати энергетикии Токио «TEPCO»
ДУШАНБЕ, 30.04.2018 /АМИТ «Ховар»/. Сафири Фавқулодда ва Мухтори Ҷумҳурии Тоҷикистон дар Япония Ҳамрохон Зарифӣ аз идораи марказии Ширкати энергетикии Токио «TEPCO» боздид намуда, бо сардорони бахшҳои соҳавӣ мулоқот кард ва бо фаъолияти ширкати мазкур шинос шуд.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, дар мулоқот намояндагони ширкати «TEPCO» дар бораи ташаккул ва фаъолияти имрӯзаи ширкат баромад намуда, таърих ва раванди рушди ширкатро батафсил муаррифӣ намуданд. Сафир аз раванди истеҳсол ва таъмини қувваи барқ ба истеъмолкунандагони минтақаи Канто, ки дар он пойтахт ва калонтарин шаҳри Япония – шаҳри Токио ҷойгир мебошад, шинос шуд.
Дар доираи боздид Сафир ҳамчунин ба зеристгоҳи зеризаминии «Higashi-Uchisaiwaicho» ташриф оварда, бо фаъолияти он шинос шуд.
Сафири Тоҷикистонро зимни боздид роҳбарони лоиҳавии ширкати японии «Asia Engineering Consultant Co., Ltd», ки дар доираи татбиқи тарҳи «Беҳтаргардонии зеристгоҳҳо дар шаҳри Душанбе» бо маблағгузории Агентии Япония оид ба рушди байналмилалӣ (JICA) ба сифати ширкати машваратчӣ ҳамкорӣ менамояд, ҳамроҳӣ намуданд.
Ёдовар мешавем, ки 26 январи соли 2018 дар шаҳри Душанбе байни ШСХК «Барқи Тоҷик» ва ширкати японии «Nishizawa» қарордор ба маблағи 1.976 млрд. йен ба имзо расид. Бар асоси ин қарордод, ширкати «Nishizawa» дар давоми ду сол сохтмони зеристгоҳи нави «Радиостанция» ва корҳои навсозӣ ва афзоиши иқтидори зеристгоҳи «Промышленная»-ро, ки дар шаҳри Душанбе ҷойгир мебошанд, ба анҷом мерасонад.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
