Дар дараи Марғоб ба муносибати 25-солагии таъсиси Раёсати қӯшунҳои дохилӣ ҷамъомад доир гардид
ДУШАНБЕ, 10.04.2018 /АМИТ «Ховар»/. Имрӯз дар дараи Марғоби шаҳри Ваҳдат ҷашни 25-солагии таъсиси Раёсати қӯшунҳои дохилии Вазорати корҳои дохилии Ҷумҳурии Тоҷикистон баргузор шуд.
Тавре аз Вазорати корҳои дохилии Ҷумҳурии Тоҷикистон хабар доданд, дар ҷамъомад кормандони дастаҳои махсуси Раёсати қӯшунҳои дохилӣ, «Алфа»-и КДАМ, Агентии назорати маводи нашъаовари назди Президенти Ҷумҳурии Тоҷикистон, Вазорати мудофиа, Гвардияи миллӣ ва Қӯшунҳои сарҳадӣ иштирок намуданд.
Раёсати қӯшунҳои дохилии Вазорати корҳои дохилӣ чор марҳилаи машқҳоро доир ба наҷот додани шахсони ба гаравгонгирифташуда, машқҳои тан ба тан, гузаштан аз монеаҳо, силоҳҳои вазнини ҷангӣ, миномёт ва пелемётҳои дорои калибри калон барои нобуд кардани душманони шартӣ ва нишонҳо намоиш доданд.
Инчунин ба муносибати 25-солагии Раёсати қӯшунҳои дохилии Вазорати корҳои дохилии Ҷумҳурии Тоҷикистон мусобиқаҳои варзишӣ баргузор шуданд.
Иштирокчиёне, ки ба натиҷаҳои назаррас ноил шуданд, аз ҷониби Вазири корҳои дохилии Ҷумҳурии Тоҷикистон Рамазон Раҳимзода бо мукофотҳои пулӣ ва медалу ифтихорномаҳо қадрдонӣ карда шуданд.
Дар ҷамъомади мазкур роҳбарони аввали сохторҳои қудратӣ иштирок намуданд.
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
