Дар марзи давлатӣ интиқоли аслиҳа ва маводи мухаддир пешгирӣ гардид
ДУШАНБЕ, 20.04.2018 /АМИТ «Ховар»/. 2 адад яроқи оташфишони АКМС, 10 адад тирдон, 270 дона тири қутраш 7,62 мм, инчунин 3 кг 500 гр маводи нашъадори афюн, 32 кг ҳашиш ва 10 кг героин аз қочоқбарони афғон дарёфт ва мусодира гардид.
Дар ин бора сардори маркази матбуоти Қӯшунҳои сарҳадии КДАМ Ҷумҳурии Тоҷикистон Муҳаммад Улуғхоҷаев ба АМИТ “Ховар” хабар дода, зикр намуд, ки интиқоли аслиҳа ва маводи мухадирро хизматчиёни ҳарбии Қӯшунҳои сарҳадии КДАМ ҶТ дар якҷоягӣ бо кормандони КДАМ ҶТ дар вилояти Хатлон дар минтақаи назоратии дидбонгоҳи сарҳадии “Сайёд”-и Отряди сарҳадии «Ҳамадонӣ» зимни амалиёти муштарак пешгирӣ намуданд.
“19 апрел соати 12:30 дар вақти убури ғайриқонунии марзи давлатӣ байни қочоқбарони афғон иборат аз 6-7 нафар бо сарҳадбонони тоҷик ва кормандони КДАМ ҶТ задухӯрди шадиди мусаллаҳона ба вуқӯъ омад, ки дар натиҷа 1 нафар қочоқчӣ захмдор ва се нафари дигар безарар гардонида шуданд. Боқимонда қочоқбарони афғон тариқи қамишзор ба самти Ҷумҳурии Исломии Афғонистон фирор намуданд”,-илова намуд М. Улуғхоҷаев.
Аз ҷониби мақомоти дахлдор оид ба ҳодисаҳои мазкур тафтишот идома дорад.
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
Имрӯз дар баъзе ноҳияҳои Тоҷикистон чангу ғубор ба амал меояд
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқаррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
