Дар Сочи масоили тавсеаи ҳамкории гумрукии минтақаи аврупоии Созмони ҷаҳонии гумрук баррасӣ шуд
ДУШАНБЕ, 16.04.2018 /АМИТ «Ховар»/. Дар шаҳри Сочии Федератсияи Россия ҷаласаи роҳбарони хадамоти гумруки минтақаи аврупоии Созмони ҷаҳонии гумрук /СҶГ/ баргузор гардид, ки дар он Ҷумҳурии Тоҷикистонро муовини Сардори Хадамоти гумруки назди Ҳукумати Ҷумҳурии Тоҷикистон Хуршед Шерализода намояндагӣ кард. Дар ин бора аз Хадамоти гумруки назди Ҳукумати Ҷумҳурии Тоҷикистон ба АМИТ «Ховар» хабар доданд.
Дар ҷаласа, ки намояндагони беш аз 30 давлати ҷаҳон ширкат доштанд, масоили марбут ба тиҷорати электронӣ, мубориза бар зидди гардиши ғайриқонунии сармоя, алоқаманд кардани низоми транзитии минтақаи аврупоии Созмони ҷаҳонии гумрук, беҳтар намудани тартиботи идоракунӣ дар Созмон ва васеъ намудани истифодаи забонҳои корӣ дар фаъолияти он баррасӣ гардиданд.
Иштирокдорони ҷаласа ҳамзамон масъалаи вобаста ба интихоби Котиби генералии СҶГ, ки охири моҳи июни соли равон дар ҷаласаи навбатии Шӯрои Созмон дар Брюссел доир мегардад, матраҳ намуданд.
Мавриди зикр аст, ки Созмони ҷаҳонии гумрук соли 1953 таъсис ёфта, беш аз 180 давлати дунёро дар худ муттаҳид менамояд. Қароргоҳи Созмон дар шаҳри Брюссели Белгия буда, Ҷумҳурии Тоҷикистон аз соли 1997 ба узвияти он пазируфта шудааст.
Рушди иқтисоди рақамӣ заминаи устувори пешрафти Тоҷикистон мебошад
Имрӯз дар Душанбе ҷаласаи 45-уми Шурои идоракунандагони Фонди иқлими сабз оғоз гардид
Дар Тоҷикистон наздик ба 50 ҳазор гектар кишти такрорӣ гузаронида шуд
Дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил карда шуд
Ҷашни Тиргон асоси илмиву таърихӣ ва фарҳангиву маънавӣ дорад
Имрӯз дар «Боғи Ирам» ҷашни Тиргон, иди зардолу ва намоиши «Хушкмеваҳои Тоҷикистон» баргузор мешаванд
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
