Дастаи мунтахаби Тоҷикистон оид ба футбол дар АМА вохӯрии дӯстона анҷом медиҳад
ДУШАНБЕ, 04.04.2018 /АМИТ «Ховар»/. Дастаи футболи мунтахаби ҷавонони то 19- солаи Тоҷикистон дар доираи бозиҳои даври ниҳоии Чемпионати Осиё-2018 дар шаҳри Дубайи Амороти Муттаҳидаи Араб дидорҳои дӯстона анҷом медиҳад.
Тавре аз Федератсияи футболи Тоҷикистон ба хабарнигори АМИТ «Ховар» иттилоъ доданд, дастаи мунтахаби ҷавонони то 19-солаи Тоҷикистон дар шаҳри Дубай дар ҷамъомади таълимию тамринӣ, ки аз 9 то 15 апрел баргузор мешавад, бо ҳамсолони худ ду бозии дӯстона анҷом медиҳад. Баргузории ин бозиҳо рӯзҳои 11 ва 14 апрел дар назар аст.
Ёдовар мешавем, ки Чемпионати Осиё-2018 байни дастаҳои мунтахаби то 19- сола аз 18 октябр то 4 ноябри соли равон дар шаҳрҳои Ҷакарта, Бекасӣ, Сикаранг, Сибинонг ва Бандунги Индонезия баргузор мешавад.
Рақиби дастаи мунтахаби ҷавонони Тоҷикистон дар гурӯҳ баъд аз қуръакашии даври ниҳоӣ муайян мешавад.
Имрӯз дар шаҳри Душанбе ҳаво то 23 дараҷа гарм мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
