Хонандаи Литсей-интернати Тоҷикистону Россия «Ҳотам ва ПВ» Далер Пиров дар олимпиадаи Москва аз беҳтарин нанотехнологҳо дониста шуд
ДУШАНБЕ, 03.04.2018 /АМИТ «Ховар»/. Имрӯз як гурӯҳ мактаббачагони тоҷик, ки дар Олимпиадаи байналмилалӣ оид ба технологияи муосир (нанотехнология) дар шаҳри Москваи Федератсияи Россия баргузор гардида буд, ба ватан баргаштанд.
Тавре ба мухбири АМИТ «Ховар» аз Литсей-интернати Тоҷикистону Россия «Ҳотам ва ПВ» хабар доданд, дар ҳайати гурӯҳи мазкур хонандагони синфи 9 Далер Пиров ва Темур Саломатшоев, ҳамчунин хонандаи синфи 10 Фараҳманд Ҳасанов аз гимназияи мазкур шомил буданд.
Ба иттилои манбаъ, олимпиада аз 25 то 31 марти соли равон дар Донишгоҳи давлатии шаҳри Москва ба номи М.В. Ломоносов баргузор гардид. Дар он 9 ҳазору 453 нафар хонандагон, донишҷӯён, аспирантон ва донишмандони ҷавон аз 28 кишвари дунё дар марҳилаҳои гуногун ширкат намуданд.
Тибқи талаботи озмун, дар олимпиада 5-6 нафаре, ки холҳои аз ҳама бештарро аз рӯи фанҳои математика, физика, химия ва биология бо назардошти самти нанотехнологӣ соҳиб шуданд, ғолиб дониста мешаванд. Дар ин гурӯҳ Далер Пиров дар миёни ҳамсолони худ яке аз нафарони фаъол ва аз беҳтарин нанотехнологҳо шинохта шуда, ғолиби озмун гардида, бо дипломи дараҷаи якум ва туҳфаҳои хотиравӣ қадрдонӣ шуд.
Ҳамчунин Темур ва Фараҳманд барои иштироки фаъолона бо диплом ва туҳфаҳо қадрдонӣ гардиданд.
Бояд гуфт, ки олимпиадаи мазкур яке аз олимпиадаҳои сатҳи мураккаб ба шумор меравад ва ғолибони он метавонанд бе супоридани имтиҳонҳои дохилшавӣ донишҷӯи дилхоҳ донишгоҳ шуда, гирандаи гранти Президенти Федератсияи Россия гарданд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
