Имрӯз маросими ифтитоҳи расмии Бозиҳои варзишии Тоҷикистон – 2018 баргузор мегардад
ДУШАНБЕ, 06.04.2018 /АМИТ «Ховар»/. 6 апрели соли равон, соати 10:00 дар майдони варзишии Донишкадаи тарбияи ҷисмонии Тоҷикистон ба номи ҷаҳонпаҳлавон Саидмуъмин Раҳимов маросими ифтитоҳи расмии Бозиҳои варзишии Тоҷикистон – 2018 баргузор мегардад. Дар ин бора ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Ба иттилои манбаъ, иқдоми мазкур бо мақсади таҳкими тарзи ҳаёти солим ва ҷалби наврасону ҷавонон ба тарбияи ҷисмонӣ роҳандозӣ гардидаст. Зеро он яке аз самтҳои асосии сиёсати иҷтимоии давлату Ҳукумат ба ҳисоб рафта, беҳтарин роҳи муаррифии давлату миллат дар арсаи ҷаҳонӣ мебошад.
Бозиҳои варзишии Тоҷикистон дар чор сол як маротиба баргузор гардида, яке аз чорабиниҳои бонуфузи варзишӣ дар мамлакат ба ҳисоб мераванд. Инчунин ин бозиҳо барои дарёфти чеҳраҳои нави варзиши тоҷик ва тарбияву ба камол расонидани варзишгарон мусоидат намуда, онҳоро дар бозиҳои Осиё, олимпӣ ва мусобиқаҳои сатҳи ҷаҳонӣ роҳнамоӣ менамоянд.
Бозиҳои варзишии Тоҷикистон – 2018 аз рўи 11 намуди варзиш, аз қабили гӯштини миллӣ, гӯштини юнонӣ – румӣ, самбо, дзюдо, тарзи озод, таэквандо (ВТФ), баскетбол (мардон, бонувон), волейбол (мардон, бонувон), варзиши сабук, бокс ва вазнбардорӣ баргузор мегарданд.
Ёдовар мешавем, ки Бозиҳои варзишии Тоҷикистон – 2018 дар ҷумҳурӣ то 2 майи соли равон идома меёбанд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
