Имсол дар ноҳияи Рӯдакӣ нақшаи кишти баҳории баъзе зироатҳо 50 фоиз зиёд гардид
РӮДАКӢ, 06.04.2018 /АМИТ «Ховар»/. Дар ноҳияи Рӯдакӣ соли равон нақшаи кишти баҳории баъзе намуди зироат зиёда аз 50 фоиз зиёд гардид, ки ин баҳри самаранок истифода бурдани заминҳои корам амали муфид ба ҳисоб меравад. Тасмими мазкур бо мақсади таъмини сокинони ҷумҳурӣ бо маҳсулоти тозаи кишоварзӣ, аз қабили картошкаю пиёз, помидору бодиринг ва дигар намуди сабзавот гирифта шуд.
Тибқи нақшаи пешниҳодгардида, имсол деҳқонони ноҳияи Рӯдакӣ дар 650 гектар картошка, 300 гектар пиёз, 300 гектар карам, 350 гектар помидор, 250 гектар бодиринг ва дигар намуди сабзавотро дар майдони 2000 гектар кишт менамоянд. Нақшаи кишти сабзавот соли 2017 855 гектарро ташкил медод. Ҳамчунин барои даромади бештар гирифтани кишоварзони ноҳия имсол бояд дар майдони 1000 гектар пахта кишт намоянд, ки нисбат ба соли гузашта 657 гектар зиёд мебошад.
Масъулини Раёсати кишоварзии ноҳияи Рӯдакӣ мегӯянд, ки деҳқонони ноҳия аз ҳавои мусоид самаранок истифода карда, пахта ва дигар намуди зироати кишоварзӣ кишт менамоянд. Кишти қисме аз ин зироат дар арафаи анҷомёбист.
Дар сурати зиёд гардидани нақшаи кишти баҳорӣ, махсусан барои обёрии кишти пахта ва сабзавоту картошка проблемаи нарасидани об ба миён меояд. Роҳбари Идораи давлатии беҳдошти замин ва обёрии ноҳияи Рӯдакӣ Нусратулло Аминзода ба хабарнигори АМИТ «Ховар» Субҳониддини Маҳмуд иброз намуд, ки дар асоси шартномаи тарафайн бо хоҷагиҳои деҳқонӣ мо ба воситаи 11 адад пойгоҳи обкашӣ зиёда аз 4000 гектар ва ба воситаи каналҳои худҷорӣ зиёда аз 6000 ҳазор гектар заминҳои корами обиро пурра обёрӣ карда метавонем.
Тибқи иттилои манбаъ, дар ноҳияи Рӯдакӣ 10 ҳазору 218 гектар замини корами обӣ, 9 ҳазору 890 гектар замини корами лалмӣ ва 17 адад пойгоҳҳои обкашӣ мавҷуданд. Мутаассифона, аз 17 пойгоҳи обкашӣ 6 адади он дар солҳои нобасомонӣ хароб гардидаанд ва зиёда аз 2000 гектар замини корами обии ноҳия обёрӣ карда намешаванд. Дар сурати маблағгузорӣ гардидану барқарор намудани 6 адад пойгоҳи обкашии харобгардида солҳои оянда имкон пайдо мешавад, ки ин 2000 гектар замини корами обӣ низ обёрӣ шаванд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
