Имзои Ёддошти тафоҳум миёни Ҷамъияти Ҳилоли Аҳмари Тоҷикистон ва Ҷамъияти Ҳилоли Аҳмари Давлати Кувайт
ДУШАНБЕ, 09.04.2018 /АМИТ «Ховар»/. 5 апрели соли равон дар шаҳри Ал-Қувайт Котиби генералии Ҷамъияти Ҳилоли Аҳмари Тоҷикистон бо Котиби генералии Ҷамъияти Ҳилоли Аҳмари Давлати Кувайт мулоқот анҷом дод.
Тавре аз маркази иттилооти Ҷамъияти Ҳилоли Аҳмари Тоҷикистон ба АМИТ «Ховар» хабар доданд, дар мулоқот сарварони ду ҷамъияти башардӯст масъалаҳои тақвият бахшидани ҳамкории тарафайн дар соҳаи фаъолияти башардӯстӣ, хайриявию эҳсонкорӣ ва кумаки Ҷамъияти Ҳилоли Аҳмари Давлати Кувейт ба ниёзмандони Ҷумҳурии Тоҷикистонро баррасӣ намуданд.
Котиби генералии Ҷамъияти Ҳилоли Аҳмари Тоҷикистон Баҳодур Қурбониён ба Котиби генералии Ҷамъияти Ҳилоли Аҳмари Давлати Кувайт якчанд лоиҳа оид ба солимии ҷомеа, кумаки хайриявӣ ба табақаҳои ниёзмандтарини аҳолии Ҷумҳурии Тоҷикистон, об ва беҳдошт, аз ҷумла, гузаронидани нуқтаҳои оби нӯшокӣ дар якчанд минтақаҳое, ки аз оби нӯшокӣ танқисӣ мекашанд, рушди фаъолияти ҷавонон ва амсоли инҳоро барои баррасӣ пешниҳод намуд. Ин лоиҳаҳо аз ҷониби Котиби генералии Ҷамъияти Ҳилоли Аҳмари Давлати Кувайт барои баррасии минбаъда ба шуъбаҳои дахлдори он пазируфта шуданд.
Дар интиҳои мулоқот байни Ҷамъияти Ҳилоли Аҳмари Тоҷикистон ва Ҷамъияти Ҳилоли Аҳмари Давлати Кувайт Ёддошти тафоҳум ба имзо расид.
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
Имрӯз дар водиҳои Тоҷикистон ҳаво то 38 дараҷа гарм мешавад
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
