Кишоварзони шаҳри Турсунзода дар майдони 1000 гектар пиёз кишт карданд
ТУРСУНЗОДА, 19.04.2018 /АМИТ «Ховар»/. Кишоварзони ҷамоатҳои шаҳраку деҳоти шаҳри Турсунзода дар майдони 1000 гектар пиёз кишт намуданд, ки он сад фоизи нақшаро ташкил медиҳад. Дар ин бора сардори Раёсати кишоварзии шаҳри Турсунзода Ҷаҳонгир Равшанов ба хабарнигори минтақавии АМИТ «Ховар» хабар дод.
Ба иттилои манбаъ, кишоварзони шаҳри Турсунзода то имрӯз 9 ҳазору 519 гектар зироатҳои ғаладонагӣ, сабзавот, зироатҳои тухмӣ ва пахтаро кишт намудаанд.
«Соли равон дар асоси имкониятҳои мавҷудаи сохтори кишоварзии шаҳр аз тарафи Вазорати кишоварзии Ҷумҳурии Тоҷикистон нақшаи кишти зироатҳои баҳорӣ зиёд карда шуд. Аз ҷумла, кишти пахтаро ба 3000 гектар нақшабандӣ намуданд, ки то имрӯз 1700 гектар иҷро шудааст», — афзуд Ҷ. Равшанов.
Ҳамчунин ба таъкиди ӯ, дар майдони 3000 гектар кишти помидор, бодиринг, карам, сабзӣ, пиёз ва дигар намуди сабзавот ба нақша гирифта шуда, то имрӯз кишоварзон дар майдони 1374 гектар кишт кардаанд.
Ба иттилои масъулини соҳаи кишоварзӣ, дар сурати саривақт обёрӣ гардидани заминҳои кишт аз тарафи Агентии беҳдошти замин ва обёрии шаҳр ва ҳосили дилхоҳ ба даст овардани деҳқонон, махсусан аз пахта ва сабзавотҳои барвақтӣ даромаднокии деҳқонон зиёд мегардад.
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
Имрӯз дар водиҳои Тоҷикистон ҳаво то 38 дараҷа гарм мешавад
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
