Комиссияи Кумитаи ҳолатҳои фавқулода: «Дар Балҷувон хонаҳо аз фарсудагӣ хароб шудаанд»
ДУШАНБЕ, 09.04.2018 /АМИТ «Ховар»/. Ҳайати комиссияи Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, ки бо сарварии муовини аввали раиси Кумита Рустам Шоҳиён ба Балҷувон ҷиҳати боздиди хонаҳои бар асари заминларза зарардида сафар карда буд, натиҷаи диду боздид ва таҳқиқро хулоса кард.
Тавре аз Кумита ба мухбири АМИТ «Ховар» хабар доданд, аксари хонаҳои харобшуда солҳои 80-и асри гузашта бидуни риояи қоидаҳои зиддизаминларза сохта шуда, то имрӯз онҳо аслан таъмир ҳам нашуда будаанд. Як сабаби харобӣ кӯҳнагиву осебпазир будани ин биноҳо буд. Вагарна заминларза бо қувваи 3-4 балл наметавонад хонаҳоро валангор кунад.
Тавре пештар хабар дода будем, 30 марти соли равон дар қаламрави мамлакат заминларзаҳо ба қайд гирифта шуданд. Дар маълумоте, ки қаблан ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон расида буд, гуфта мешуд: «Бар асари чанд маротиба такон хӯрдани замин дар ноҳияи Балҷувони вилояти Хатлон 62 хона зарар дид. Аз ин 62 хона 7 хона дигар барои зиндагӣ қобили истифода нест ва ҳатто зистан дар онҳо хатар дорад».
Бо мақсади дақиқ муайян кардани вазъ ва ташхиси хонаҳои зарардида аз ҷониби раиси Кумитаи ҳолатҳои фавқулода гурӯҳи корӣ созмон дода шуда, фавран ба маҳалли офат сафарбар гардид. Гурӯҳи корӣ бо хонаҳои сокинони деҳаҳои Пештова, Сафедоб, Гулзамин, Сиёҳтут, Султонвайсӣ, Шингдара, Муллохконӣ, Шипдара, Аспирингон, Уланг ва Ниҳолаки Ҷамоати деҳоти Сари Хосори ноҳияи Балҷувон шинос шуд.
Таҳқиқи ҳамаҷониба нишон дод, ки ҳамаи хонаҳои мавриди тафтиш қароргирифта аз сабаби кӯҳнаву фарсуда будан осеб дидаанд ва бинобар аз гил сохта шуданашон қисман фурӯ рафтаанд. Ин хонаҳои истиқоматӣ бе гузаронидани корҳои зиддизаминларза ва бе пойдевори мустаҳкам сохта шуда будаанд. Ҳамчунин таҳқиқ нишон дод, ки баъзе тарқишҳо дар ин хонаҳо бар асари боришот пештар аз заминларза ба вуҷуд омадаанд. Манзилҳои мазкур охирҳои солҳои 80-и асри гузашта бунёд шуда будаанд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
