МАРКАЗИ ТИББӢ-ТАВОНБАХШИИ КМО ӮЗБЕКИСТОН ОМОДА АСТ БА ВАРЗИШГАРОНИ ТОҶИК ХИЗМАТ РАСОНАД. Ҳамкориҳои Тоҷикистон ва Ӯзбекистон дар соҳаи варзиш рушд меёбанд
ДУШАНБЕ, 11.04.2018 /АМИТ «Ховар»/. 10 апрел муовини Президенти Кумитаи миллии олимпии Тоҷикистон Аҳтам Абдуллозода бо президенти Кумитаи миллии олимпии Ӯзбекистон Умед Аҳмадҷонов, ки бо сафари корӣ ба Душанбе ташриф овардааст, мулоқот кард. Дар ин бора ба АМИТ «Ховар» аз Кумитаи миллии олимпии Тоҷикистон хабар доданд.
Қабл аз мулоқот меҳмон ва ҳайати ҳамроҳонаш бо шароити кории Кумитаи миллии олимпии Тоҷикистон, аз ҷумла Осорхонаи «Шарафи олимпӣ» дидан карда, бо дастовардҳои варзишгарони тоҷик ҳам дар давраи Иттиҳоди шӯравӣ ва ҳам замони соҳибистиқлолии Тоҷикистон шинос шуданд.
Дар оғози суҳбат ҷонибҳо аз боз шудани гузаргоҳҳои сарҳадии ду кишвари дӯст ва хизматҳои сарони давлатҳо-Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев ёдовар шуда, изҳори хушнудӣ карданд.
«Шодем, ки ҳамкориҳо дар ҳамаи самтҳо, аз ҷумла соҳаи варзиш миёни ду давлат оғоз шуда, умедворем дар оянда рушд хоҳанд кард. Имрӯз имконият фароҳам омадааст, ки аз таҷрибаи ҳамдигар истифода бурда, дар оммавияти варзиш ва рушди ҳаракати олимпӣ дар давлатҳоямон кӯшиши бештар ба харҷ диҳем», — иброз дошт А. Абдуллозода.
Ҷониби Ӯзбекистон омодагиашро ҷиҳати баргузории ҷамъомадҳои машқию таълимӣ оид ба намудҳои гуногуни варзиш, баргузории мастер-класҳо бо ҷалби беҳтарин мураббиёни ҳар ду мамлакат ва истифодаи варзишгарони тоҷик аз Маркази тиббӣ-тавонбахшии варзишгарон дар назди Кумитаи миллии олимпии Ӯзбекистон изҳор дошт.
А. Абдуллозода ва У. Аҳмадҷонов роҷеъ ба дигар самтҳои ҳамкорӣ дар соҳаи варзиш табодули афкор намуда, дар охир ба ҳамдигар туҳфаҳои хотиравӣ тақдим карданд.
Аксҳои КМО ҶТ
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
