Миёни Вазорати маориф ва илми Ҷумҳурии Тоҷикистон ва Донишгоҳи давлатии аграрии Урали ҷанубии Россия созишномаи ҳамкорӣ ба имзо расид
ДУШАНБЕ, 16.04.2018 /АМИТ «Ховар»/. 13 апрел муовини якуми Вазири маориф ва илми Ҷумҳурии Тоҷикистон Раҳматулло Мирбобоев бо ректори Донишгоҳи давлатии аграрии Урали ҷанубии шаҳри Челябинск Виктор Литовченко мулоқот намуд.
Тавре аз Вазорати мазкур хабар доданд, дар рафти суҳбат ректори донишгоҳ дар бораи фаъолияти донишгоҳ ва нақши он дар рушди шаҳри Челябинск ва соҳаи маориф дар самти кишоварзӣ маълумоти муфассал дод. Аз ҷумла, Виктор Литовченко зикр кард, ки донишгоҳи мазкур аз рӯйи ихтисосҳои соҳаи кишоварзӣ мутахассисонро омода намуда, бо донишгоҳҳои хориҷӣ низ ҳамкории судманд ба роҳ мондааст.
«Дар донишгоҳ 9 ҳазор нафар донишҷӯён таҳсил мекунанд, ки аз онҳо 700 нафарашон шаҳрвандони хориҷӣ, аз ҷумла, 65 нафар донишҷӯёни тоҷик мебошанд»,-афзуд В. Литевченко.
Ба иттилои манбаъ, ҷонибҳо ҳамчунин аз ҳамкории мавҷуда изҳори қаноатмандӣ намуда, ҷиҳати вусъат додани ин ҳамкорӣ миёни Вазорати маориф ва илми Ҷумҳурии Тоҷикистон ва Донишгоҳи давлатии аграрии Урали ҷанубии шаҳри Челябинск созишнома ба имзо расониданд.
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
Имрӯз дар баъзе ноҳияҳои Тоҷикистон чангу ғубор ба амал меояд
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқаррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
