Мулоқоти Музаффар Ҳусейнзода бо аъзои Парлумони Словакия
ДУШАНБЕ, 23.04.2018 /АМИТ «Ховар»/. 20 апрели соли равон дар пойтахти Словакия — шаҳри Братислава муовини Вазири корҳои хориҷии Ҷумҳурии Тоҷикистон Музаффар Ҳусейнзода бо аъзои Маҷлисии миллӣ (Парлумон)-и Словакия таҳти роҳбарии раиси Гуруҳи дӯстии байнипарлумонии Тоҷикистону Словакия Петер Марчек мулоқот кард. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Зимни суҳбат масъалаҳои марбут ба роҳандозӣ ва тавсеаи робитаҳои байнипарлумонӣ миёни ду кишвар мавриди баррасӣ қарор гирифтанд. Ҷонибҳо ҳамчунин роҷеъ ба зарурати табодули боздидҳои мутақобилаи вакилони мардумии ду кишвар ҳавасмандӣ зоҳир намуданд.
Музаффар Ҳусейнзода изҳори умедворӣ кард, ки ҷониби Словакия дар Конфронси байналмилалии сатҳи баланд оид ба муқовимат бо терроризм ва ифротгароии хушунатомез (Душанбе, 3-4майи соли 2018) ва Конфронси байналмилалии сатҳи баланд бахшида ба Даҳсолаи байналмилалии амал “Об барои рушди устувор”, 2018-2028 (Душанбе, 20-22 июни соли 2018) фаъолона ширкат менамояд.
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
Дар шаҳри Душанбе ҳавои камабри бебориш пешгӯӣ мешавад
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
