«НАҚШИ ПАРЛУМОНИ КАСБӢ ДАР РУШДИ ҚОНУНГУЗОРИИ ТОҶИКИСТОН». Таҳти ин унвон дар Душанбе конфронси ҷумҳуриявӣ баргузор мегардад

ДУШАНБЕ, 03.03.2018 /АМИТ«АМИТ «Ховар»/. 5 апрели соли равон Кумита оид ба тартиботи ҳуқуқӣ, мудофиа ва амнияти  Маҷлиси намояндагони Маҷлиси Олии Ҷумҳурии Тоҷикистон тасмим дорад, ки дар мавзӯи «Нақши Парлумони касбӣ дар  рушди қонунгузории Ҷумҳурии Тоҷикистон» конфронси ҷумҳуриявӣ  баргузор намояд.

Раиси Кумита оид ба тартиботи ҳуқуқӣ, мудофиа ва амнияти Маҷлиси намояндагон Ҷурахон Маҷидзода иброз дошт, ки дар кори конфронси мазкур даъвати намояндагони мақомоти ҳокимияти давлатӣ, коршиносони масоили сиёсӣ ва олимон дар назар дошта шуда, аз ҷониби кумитаи тадорукот лоиҳаи барномаи конфронс таҳия гардидааст.

Конфронси ҷумҳуриявӣ дар толори Маркази тадқиқоти стратегии назди Президенти Ҷумҳурии Тоҷикистон гузаронида мешавад.