Пагоҳ дар Академияи илмҳои Ҷумҳурии Тоҷикистон Рӯзи илм ҷашн гирифта мешавад
ДУШАНБЕ, 12.04.2018. /АМИТ «Ховар»/. Пагоҳ, 13 апрел дар Академияи илмҳои Ҷумҳурии Тоҷикистон бахшида ба иди касбии олимон—Рӯзи илм ҷамъомади тантанавӣ доир мегардад.
Тавре сардори маркази матбуоти Академияи илмҳои Ҷумҳурии Тоҷикистон Машраби Абдулло ба хабарнигори АМИТ «Ховар» хабар дод, пеш аз оғози ҷамъомад субҳи барвақт гузоштани гулчанбарҳо дар пояи нимпайкараҳои олимони барҷастаи тоҷик С. Айнӣ, М. Турсунзода, Б. Ғафуров, С. У. Умаров, М. Осимӣ, Р. Баротов ва дигарон дар назар аст.
Ҳамчунин дар ин рӯз маросими пардабарорӣ аз рӯи лавҳаи хотиравии академик К. И. Сатпаев дар бинои Институти геология, сохтмони ба заминҷунбӣ тобовар ва сейсмологияи Акаемияи илмҳои Ҷумҳурии Тоҷикистон доир мегардад.
Сипас, бо иштироки намояндагони Ҳукумати Ҷумҳурии Тоҷикистон ва олимони мамлакат соати 9 дар толори Академияи илмҳо ҷамъомад баргузор мегардад. Интизор меравад, ки дар ҷамъомад ба олимоне, ки соли 2018 соҳиби ҷоизаҳои Академияи илмҳои Ҷумҳурии Тоҷикистон ба номи олимони барҷаста шудаанд ва олимоне, ки ба дастовардҳои назарраси илмӣ ноил гаштаанд, дипломҳо ва ифтихорномаҳо супорида шаванд.
Ёдовар мешавем, ки дар Ҷумҳурии Тоҷикистон ҳамасола якшанбеи сеюми моҳи апрел Рӯзи илми тоҷик таҷлил карда мешавад.
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
Имрӯз дар баъзе ноҳияҳои Тоҷикистон чангу ғубор ба амал меояд
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқаррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
