Раиси КДАМ-и Тоҷикистон бо сафари корӣ ба шаҳри Тошканд рафт
ДУШАНБЕ, 17.04.2018 /АМИТ «Ховар»/. Бо даъвати раиси Хадамоти амнияти давлатии Ҷумҳурии Ӯзбекистон Ихтиёр Абдуллоев раиси Кумитаи давлатии амнияти миллии Ҷумҳурии Тоҷикистон Саймумин Ятимов 16 апрел бо сафари корӣ ба шаҳри Тошканд рафт.
Дар сарҳади давлатии Ҷумҳурии Тоҷикистон бо Ҷумҳурии Ӯзбекистон дар минтақаи нуқтаи гузаргоҳӣ-назоратии «Фотеҳобод» С. Ятимов ва ҳайати ҳамроҳонашро раиси ХАД ҶӮ И. Абдуллоев пешвоз гирифт.
Ҳайати Тоҷикистонро хуш истиқбол намуданд.
Зимни музокирот роҳбарони хадамоти махсуси ду давлати бародар оид ба доираи васеи масъалаҳои ҳамкории дуҷониба ва бисёрҷониба, инчунин мушкилоти амнияти минтақавӣ табодули афкор намуданд.
Тадбирҳои муштарак барои мубориза бо чолишу таҳдидҳои муосир, терроризму ифротгароӣ, аз ҷумла пешгирии фаъолиятҳои ҷинояткоронаи созмонҳо ва ҳаракатҳои террористиву ифротгаро муҳокима шуданд.
Ҷонибҳо доир ба ҳамоҳангсозии амалҳо ва татбиқи чораҳои дар ин самт мувофиқашуда ба созиш расиданд.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
