Сарвазири мамлакат Қоҳир Расулзода Сафири Чин дар Тоҷикистонро қабул намуд
ДУШАНБЕ, 27.04.2018 /АМИТ «Ховар»/. 26 апрели соли ҷорӣ Сарвазири Ҷумҳурии Тоҷикистон Қоҳир Расулзода Сафири Ҷумҳурии Мардумии Чин дар Ҷумҳурии Тоҷикистон ҷаноби Юе Бинро қабул намуд.
Дар рафти мулоқот ҷонибҳо оид ба масълаҳои рушди ҳамкориҳои дуҷониба, амалишавии лоиҳаҳои сармоягузорӣ дар Тоҷикистон ва баргузории чорабиниҳои байналмилалӣ мубодилаи афкор намуданд.
Сарвазири Ҷумҳурии Тоҷикистон зикр намуд, ки моҳи июни соли ҷорӣ дар шаҳри Тсиндаои Чин вохўрии навбатии Шўрои сарони давлатҳои аъзои Созмони ҳамкории Шанхай дар назар аст ва вохўриҳои сатҳи олии ҳар ду давлат дар рафти ин чорабинӣ ба ҳамкориҳои ду кишвари дўст такони тоза хоҳад бахшид.
Ҳамзамон, таъкид гардид, ки Ҷумҳурии Тоҷикистон дар соли ҷорӣ мизбони ҷаласаи навбатии Шўрои сарони ҳукуматҳои (сарвазирони) Созмони ҳамкории Шанхай мебошад ва омодагиҳо барои баргузории чорабинии мазкур дар сатҳи лозима идома доранд.
Аз ҷониби Сарвазири Ҷумҳурии Тоҷикистон иброз гашт, ки ширкатҳои чинӣ, ки масъули амалишавии лоиҳаҳои муҳими иқтисодии Тоҷикистон мебошанд, бояд дар иҷрои корҳо масъулияти ҷиддӣ зоҳир намуда, корҳои ба зиммаашон гузошташударо дар муҳлатҳои муқарраргардида анҷом диҳанд.
Дар навбати худ Сафири Ҷумҳурии Мардумии Чин дар Ҷумҳурии Тоҷикистон омодагии кишварашро ҷиҳати рушди минбаъдаи ҳамкориҳои дуҷониба изҳор намуда, амалишавии лоиҳаҳоро барои ҳар ду кишвар муфид арзёбӣ кард.
Сўҳбат дар фазои якдигарфаҳмӣ ва ҳусни тафоҳум анҷом ёфт.
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
