ТАҚВИМИ АМИТ «ХОВАР»: Имрӯз 15 апрел, якшанбе, 105-умин рӯзи соли 2018 аст

Тақвими моро дар ин гӯша

шореҳ Шаҳлои САДРИДДИН варақ мезанад:

Дар ин рӯз, 15 апрели соли 2013 Президенти Ҷумҳурии Тоҷикистон Эмомалӣ Раҳмон бо Ноиби Президенти Ҷумҳурии Ҳиндустон Муҳаммад Ҳамид Ансорӣ мулоқот намуданд.

***

15 апрели соли 2014 дар кӯчаи Дӯстматови шаҳри Ваҳдат бо иштироки Президенти кишвар Эмомалӣ Раҳмон корхонаи коркарди чарм ва истеҳсоли либосу пойафзол аз он, инчунин корхонаи қубурҳои пластикии калонқутр ба кор дароварда шуданд.

***

7 сол қабл, 15 апрели соли 2011 Президенти Ҷумҳурии Тоҷикистон Эмомалӣ Раҳмон дар Конфронси байналмилалии ислоҳоти кишоварзӣ иштирок ва суханронӣ намуданд.

 15 АПРЕЛ ТАҶЛИЛ КАРДА МЕШАВАД:

Дар соли ҷорӣ 15 апрел 140-солагии Қаҳрамони Тоҷикистон, устод Садриддин Айнӣ таҷлил карда мешавад.

***

Рӯзи умумиҷаҳонии фарҳанг.

***

Рӯзи донишҳои экологӣ.

 РӮЙДОДҲО:

15 апрели соли 2013 Президенти Ҷумҳурии Тоҷикистон Эмомалӣ Раҳмон Вазири мудофиаи Ҷумҳурии Қазоқистон Адилбек Ҷаксибековро ба ҳузур пазируфтанд.

***

7 сол қабл, 15 апрели соли 2011 Президенти Тоҷикистон Эмомалӣ Раҳмон ба Маҷлиси намояндагони Маҷлиси Олии Ҷумҳурии Тоҷикистон барои муҳокима тарҳи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд»-ро пешниҳод намуданд.

***

15 апрели соли 1985 нашриёти «Шарқи Озод таъсис ёфт».

***

Дар ин рӯз, 15 апрели соли 1996 Шӯрои амнияти Ҷумҳурии Тоҷикистон ташкил ётфааст.

***

15 апрели соли 1926 анҷумани якуми Иттифоқҳои касабаи Тоҷикистон баргузор гардид.

 ИНЧУНИН ДАР ИН РӮЗ…

Соли 1951 дар Лондон нахустин чорабинии интихоби «Зебосанами ҷаҳон» доир гашт.