ТАҚВИМИ АМИТ «ХОВАР»: Имрӯз 21 апрел, шанбе, 111-умин рӯзи соли 2018 аст

Тақвими моро дар ин гӯша

шореҳ Шаҳлои САДРИДДИН варақ мезанад:

21 апрели соли 2005 оғози сохтмони НБО-и «Сангтуда-1» баргузор гардид.

***

21 апрели соли 2003 дар шаҳри Хуҷанд Созишнома оид ба ҳамкории тиҷоратӣ-иқтисодӣ,  илмӣ-техникӣ ва фарҳангӣ миёни вилояти Суғди Тоҷикистон ва вилояти Ҷанубии Қазоқистон ба имзо расид.

 21 АПРЕЛ ТАҶЛИЛ КАРДА МЕШАВАД:

Рӯзи умумиҷаҳонии Сирк.

***

Рӯзи астрономия.

РӮЙДОДҲО:

21 апрели соли 1997 Президенти Ҷумҳурии Тоҷикистон Эмомалӣ Раҳмон Фармон «Дар бораи пурзӯр кардани мубориза бар зидди терроризм»-ро ба имзо расониданд.

***

Дар ин рӯз, 21 апрели соли 1954 Иттиҳоди Шӯравӣ ба созмони ЮНЕСКО ворид гардид.

***

21 апрели соли 1936 театри мусиқӣ-мазҳакавии Кӯлоб ба номи Саидалӣ Вализода таъсис ёфт.

***

5 сол қабл, 21 апрели соли 2013 нахустин фестивал-намоишгоҳи коллексияҳои мошинҳо «Авто-ретро Душанбе» дар шаҳри Душанбе баргузор гардид.

ИНЧУНИН ДАР ИН РӮЗ…

Соли 1944 дар Франсия бори нахуст занҳо ҳуқуқи дар интихобот иштирок карданро ба даст овардан.

***

Соли 1951 Кумитаи милии олимпии Иттиҳоди Шӯравӣ таъсис ёфт.