ТАҚВИМИ АМИТ «ХОВАР»: Имрӯз 26 апрел, панҷшанбе, 116-умин рӯзи соли 2018 аст

Тақвими моро дар ин гӯша

шореҳ Шаҳлои САДРИДДИН варақ мезанад:

26 апрели соли 2013 Президенти Ҷумҳурии Тоҷикистон Эмомалӣ Раҳмон мушовири давлатии Конфедератсияи Швейтсария Айвес Россиераро ба ҳузур пазируфтанд.

***

26 апрели соли 2012 Президенти мамлакат Эмомалӣ Раҳмон аз Сафири нави Ҷумҳурии Озарбойҷон дар Тоҷикистон Аббосалӣ Карим огли Гасанов ва Сафири нави Британияи Кабир дар Тоҷикистон Робин Ҷереми Орд — Смит эътимоднома қабул намуданд.

26 АПРЕЛ ТАҶЛИЛ КАРДА МЕШАВАД:

Рӯзи байналмилалии поси хотири қурбониёни садамаи Чернобил.

***

Рӯзи умумиҷаҳонии моликияти зеҳнӣ.

РӮЙДОДҲО:

Дар ин рӯз, 26 апрели соли 2001 мулоқоти Президенти мамлакат Эмомалӣ Раҳмон бо Дабири кулли САҲА Ян Кубиш доир гардид.

***

8 сол қабл, 26 апрели соли 2010 дар шаҳри Душанье консерт бо иштироки ҳунармандони санъати мусиқии ИДМ бахшида ба 65-солагии ғалабаи Ҷанги Бузурги Ватанӣ баргузор гашт.

***

26 апрели соли 1986 дар Неругоҳи ҳастаии Чернобил садама ба амал омад, ки дар таърих чун садамаи мудҳиштарини ядроӣ ба шумор меравад.

ИНЧУНИН ДАР ИН РӮЗ…

Соли 1991 дар Рига Фестивали байналмилалии нахустини ҳаҷв ва зарофатгӯӣ кушода шуд.