ТАҚВИМИ АМИТ «ХОВАР»: Имрӯз 29 апрел, якшанбе, 119-умин рӯзи соли 2018 аст

Тақвими моро дар ин гӯша

шореҳ Шаҳлои САДРИДДИН варақ мезанад

29 апрели соли 2011 Президенти мамлакат Эмомалӣ Раҳмон дар ҷаласаи 15-солагии Шўрои ҷамъиятии Ҷумҳурии Тоҷикистон иштирок ва суханронӣ намуданд.

29 АПРЕЛ ТАҶЛИЛ КАРДА МЕШАВАД:

Рӯзи умумиҷаҳонии рақс.

***

Рӯзи гиромидошти хотири қурбониёни силоҳи ҳастаӣ.

РӮЙДОДҲО:

29 апрели соли 2015 Ҷумҳурии Тоҷикистон ба Конвенсия оид ба пешгирии ҷинояти генотсид ва ҷазо барои он ҳамроҳ шуд.

***

Дар ин рӯз,  29 апрели соли 2014 дар Маркази тадқиқоти стратегии назди Президенти Ҷумҳурии Тоҷикистон конфронси илмию амалӣ дар мавзӯи «Таъмини амнияти энергетикии Ҷумҳурии Тоҷикистон: масъалаҳо ва ҷараёнҳои иқтисодии ҳалли онҳо»  баргузор гардид.

***

26 сол қабл, 29 апрели соли 1992 миёни Тоҷикистон ва Шоҳигарии Белгия муносибатҳои дипломатӣ барқарор намуданд.

***

29 апрели соли 2014  дар Тоҷикистон Шӯрои миллӣ оид ба аҳолӣ ва рушди он таъсис ёфт.

 ИНЧУНИН ДАР ИН РӮЗ…

Соли 1961 анҷумани аввалини зиёиёни Тоҷикистон доир гардид.

***

Соли 1931 дар Иттиҳоди Шӯравӣ нахустин барномаи телевизионии касбӣ ба намоиш дода шуд.