ТАҚВИМИ АМИТ «ХОВАР»: Имрӯз 3 апрел, сешанбе, 93-юмин рӯзи соли 2018 аст

Тақвими моро дар ин гӯша

шореҳ Шаҳлои Садриддин варақ мезанад:

3 апрели соли 2014  дар шаҳри Гулистони вилояти Суғд Президенти Ҷумҳурии Тоҷикистон Эмомалӣ Раҳмон Директори генералии ширкати Хуасини Ҷумҳурии Мардумии Чин Ли Е Чинро ба ҳузур пазируфтанд.

***

3 сол қабл, 3 апрели соли 2015 Агентии миллии иттилоотии Тоҷикистон «Ховар» хабар дод, ки дар Душанбе рӯнамоӣ ва азнавбақайдгирии барномаҳо барои Маркази касбии омодасозии кадрҳои Ассотсиатсияи байнахалқии «АВВАТ» ва ҳамчунин ифтитоҳи ин Марказ, ки бо таҷҳизоти муосир ҷиҳозонида шудааст,  гузаронида шуд.

***

Дар ин рӯзи соли 2017 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар робита ба таркиши фоҷиабор дар истгоҳи метрои шаҳри Санкт-Петербург  ба Президенти Федератсияи Россия Владимир Путин барқияи таслият ирсол намуданд, ки дар он, аз ҷумла, омадааст: «Бо эҳсоси андӯҳ мо ин амали мудҳишро маҳкум намуда, ҳамоҳангии кӯшишҳои худро барои аз байн бурдани хатари даҳшатбори аср — терроризм таъкид менамоем».

3 АПРЕЛ ТАҶЛИЛ КАРДА МЕШАВАД:

Рӯзи байналмилалии шабнишинӣ.

***

Рӯзи Сирк дар ИМА.

***

Рӯзи модару кӯдак дар Тайван.

РӮЙДОДҲО:

3 апрели соли 2014  дар шаҳри Қайроққум бо иштироки Президенти Ҷумҳурии Тоҷикистон Эмомалӣ Раҳмон Маркази ташхисӣ ва табобатии Закариёи Розӣ ифтитоҳ ёфт.

***

Дар ин рӯз, 3 апрели соли 1930 дар Сталинобод корхонаи коркарди чӯб ба истеҳсоли маҳсулот оғоз намуд.

***

3 апрели соли 1931 Муассисаи давлатии бойгонии Тоҷикистон таъсис дода шуд.

***

11 сол қабл, 3 апрели соли 2007 бо қарори Ҳукумати Ҷумҳурии Тоҷикистон Заводи Алюминии тоҷик (ТадАЗ) ба Корхонаи давлатии унитарии  «Корхонаи алюминии тоҷик» тағйири ном кард.

ИНЧУНИН ДАР ИН РӮЗ…

Соли 1932  ҷарроҳи рус Ю. Вороной дар ҷаҳон нахустин ҷарроҳии ҷобаҷогузории гурдаро гузаронид.

***

Соли 1976 дар Франсия маросими нахустини супоридани ҷоизаи «Сезар» дар самти дастовардҳо дар соҳаи кино баргузор гардид.