ТАҚВИМИ АМИТ «ХОВАР»: Имрӯз 30 апрел, душанбе, 120-умин рӯзи соли 2018 аст

Тақвими моро дар ин гӯша

шореҳ Шаҳлои САДРИДДИН варақ мезанад:

30 апрели соли 2015 Президенти Ҷумҳурии Тоҷикистон Эмомалӣ Раҳмон Раиси Бонки миллии Швейтсария Томас Йорданро ба ҳузур пазируфтанд.

30 АПРЕЛ ТАҶЛИЛ КАРДА МЕШАВАД:

Рӯзи умумиҷаҳонии ҷаз.

РӮЙДОДҲО:

30 апрели соли 2015  дар шаҳри Душанбе мулоқоти Вазири корҳои хориҷии Ҷумҳурии Тоҷикистон Сироҷиддин Аслов бо сафири ИМА Сюзан Эллиотт доир гашт.

***

Дар ин рӯз, 30 апрели соли 2014 дар шаҳри Ар-Риёз Форуми байналмилалии иқтисодӣ «Лигаи давлатҳои араб + Осиёи Марказӣ + Озарбойҷон» ба кори худ оғоз намуд.

***

30 апрели соли 1949 Неругоҳи барқии обии «Варзоби Поён» ба кор даромад.

***

30 апрели соли 1963 Роҳи оҳани «Душанбе» ба кори худ оғоз намуд.

ИНЧУНИН ДАР ИН РӮЗ…

Соли 1789  Ҷорҷ Вашингтон бо ҷонибдории ҳамаи овозҳо аввалин президенти ИМА интихоб шуд.

***

Соли 1939 намоишгоҳи баналмилалии саноатӣ дар шаҳри Ню-Йорк ифтитоҳ гардид.