Тоҷикистон аз вохӯрии таърихии Мун Чжэ Ин ва Ким Чен Ин истиқбол мекунад

ДУШАНБЕ, 30.04.2018 /АМИТ «Ховар»/. «Ҷумҳурии Тоҷикистон вохӯрии таърихии Президенти Ҷумҳурии Корея Мун Чжэ Ин ва Роҳбари Ҷумҳурии Халқии Демократии Корея Ким Чен Инро дар  минтақаи дифои муштараки «Пханмунҷо», инчунин ба имзо расидани эъломияи муштараки Пханмуҷоро оид ба сулҳ, шукуфоӣ ва муттаҳидшавии нимҷазираи Корея истиқбол мекунад»,- гуфта мешавад дар изҳороти Вазорати корҳои хориҷии Ҷумҳурии Тоҷикистон.

Ҳамчунин дар изҳороти Вазорати корҳои хориҷӣ зикр шудааст, ки «Умедворем, ки Ҳамоиши байникореягии баргузоршуда ҳамчун нуқтаи ниҳоӣ барои ҳалли низои чандинсола ва оғози муколамаи сиёсиву дипломатӣ, ки бар сулҳ ва ҳамдигарфаҳмӣ асос ёфтааст, хизмат хоҳад кард».