«Тоҷикстандарт»: ҳадафи ташкили курсҳои омӯзишӣ баланд бардоштани самаранокии фаъолият аст
ДУШАНБЕ, 04.04.2018 /АМИТ «Ховар»/. Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон («Тоҷикстандарт») бо мақсади баланд бардоштани савияи дониши мутахассисони сохторҳои зертобеи Агентӣ курсҳои омӯзишии такмили ихтисоси кормандони марказҳои вилоятию минтақавиро аз 2 апрел оғоз намуд.
Аз Агентии «Тоҷикстандарт» ба АМИТ «Ховар» иттилоъ доданд, ки дар навбати аввал ба машғулиятҳо мутахассисони шуъба ва бахшҳои санҷиш ва назорати давлатии воситаҳои ченаки марказҳои зертобеи Агентӣ фаро гирифта шуданд.
Ҳоло барои гузаронидани тренинг-омўзишҳо мутахассисон ва коршиносони дастгоҳи марказии Агентии «Тоҷикстандарт» ҷалб шуда, дар назар аст, ки барои боз ҳам самаранок гузаштани машғулиятҳо коршиносони хориҷӣ низ даъват карда шаванд.
«Умед аст, ки бо роҳандозии курсҳои мазкур самаранокии фаъолият ва сатҳи хизматрасонии соҳа боло рафта, дар ин замина ҳифзи ҳимояи ҳуқуқҳои истеъмолкунандагон таъмин ва воридоти ҳар гуна молҳои пастсифату ғайристандартӣ ба бозорҳои кишвар пешгирӣ карда мешавад», — иттилоъ доданд аз «Тоҷикстандарт».
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
Пагоҳ дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
