«Ҳунарҳои мардумӣ: мушкилот ва дурнамо», — пагоҳ таҳти ин унвон дар Пажӯҳишгоҳи илмӣ-тадқиқотии фарҳанг ва иттилоот мизи мудаввар доир мегардад

ДУШАНБЕ, 30.04.2018 /АМИТ «Ховар»/. Бахшида ба эълон гардидани Соли рушди сайёҳӣ ва ҳунарҳои мардумӣ дар Пажӯҳишгоҳи илмӣ-тадқиқотии фарҳанг ва иттилоот мизи мудаввар дар мавзӯи «Ҳунарҳои мардумӣ: мушкилот ва дурнамо» баргузор мегардад.

Тавре ба мухбири АМИТ «Ховар» аз Пажӯҳишгоҳи мазкур хабар доданд,  баргузории мизи мудаввар рӯзи 1 майи соли равон дар Пажӯҳишгоҳи фарҳанг ва иттилоот соати 10:00 дар назар дошта шудааст.

Ба иттилои манбаъ, дар кори мизи мудаввар олимону пажӯҳишгарон дар мавзӯъҳои «Баррасӣ ва роҳҳои ҳалли мушкилоти ҳунармандон дар Тоҷикистон», «Рушди ҳунарҳои мардумӣ дар вилояти Хатлон», «Вазъи ҳунарҳои мардумӣ дар вилояти Суғд», «Ҳанарҳои анъанавии бонувон дар ВМКБ» ва ғайраҳо маърӯзаҳо хоҳанд кард.