«ВАРЗИШ-ГАРАВИ СОЛИМИИ ҶОМЕА». Ҷоми вазир — насиби варзишгарони Сарраёсати маорифи пойтахт гардид
ДУШАНБЕ, 27.04.2018 /АМИТ «Ховар»/. Вазорати маориф ва илми Ҷумҳурии Тоҷикистон барои дарёфти Ҷоми вазир байни сохторҳои вазорат ва муассисаҳои таълимӣ таҳти шиори «Варзиш-гарави солимии ҷомеа» мусобиқаи футбол доир намуд.
Тавре ба мухбири АМИТ «Ховар» аз Вазорати мазкур хабар доданд, дар мусобиқаи мазкур 28 даста аз сохторҳои тобеъ ва муассисаҳои таҳсилоти миёна ва олии касбии пойтахт иштирок карданд. Дар натиҷа дастаҳои Сарраёсати маорифи шаҳри Душанбе ва Донишгоҳи техникии Тоҷикистон ба номи М. Осимӣ ба даври ниҳоии мусобиқа роҳ ёфтанд.
Дар бозии ниҳоӣ, ки 25 апрел дар майдончаи варзишии муассисаи таҳсилоти миёнаи умумии рақами 35-и пойтахт баргузор гардид, дастаи Сарраёсати маорифи шаҳри Душанбе дастаи Донишгоҳи техникии Тоҷикистон ба номи М. Осимиро бо ҳисоби 3 бар 1 шикаст дода, соҳиби ҷойи аввал ва Ҷоми вазир шуд. Ҷойи сеюми мусобиқаро дастаи Донишгоҳи миллии Тоҷикистон соҳиб гардид.
Дар маросими ҷоизасупорӣ Вазири маориф ва илми Ҷумҳурии Тоҷикистон Нуриддин Саид иштирок карда, ба ғолибон ифтихорномаву медалҳо ва мукофотҳои пулӣ тақдим намуд.
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Имрӯз дар шаҳри Душанбе борони кӯтоҳмуддат меборад
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
