Вохӯриҳои Сафири Ҷумҳурии Тоҷикистон дар Шоҳигарии Испания
ДУШАНБЕ, 07.04.2018 /НИАТ «Ховар»/. 4-5 апрели соли 2018 Сафири Фавқуллода ва Мухтори Ҷумҳурии Тоҷикистон дар Конфедератсияи Швейтсария ва Шоҳигарии Испания Ҷамшед Ҳомидов ба Шоҳигарии Испания сафари корӣ анҷом дод. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Дар рафти сафар рӯзи 4 апрели соли ҷорӣ мулоқотҳои Сафир бо Директори Генералии корҳои аврупоии Вазорати корҳои хориҷӣ ва ҳамкории Шоҳигарии Испания Хуан Лопес-Ҳеррера ва Директори Агентии ҳамкории байналмилалии Вазорати корҳои хориҷӣ ва ҳамкории Шоҳигарии Испания Элена Перес-Виллануева барпо шуданд.
Рӯзи 5 апрели соли 2018 маросими тантанавии супоридани эътимодномаҳои Сафир ба Аълоҳазрат, Шоҳи Испания Филиппи VI баргузор гардид.
Сипас, Сафир аз қароргоҳи Созмони умумиҷаҳонии сайёҳии СММ дар ш. Мадрид боздид карда, масъалаи рушди ҳамкориҳои Тоҷикистон бо ин созмон, хусусан дар партави эълон намудани соли 2018 ҳамчун «Соли рушди сайёҳӣ ва ҳунарҳои мардумӣ»-ро бо Директори минтақавии Аврупо, Изабел Гараня мавриди баррасӣ қарор дод.
Имрӯз дар шаҳри Душанбе ҳаво то 23 дараҷа гарм мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
