ҶАСОРАТИ ДУ КОРМАНДИ МИЛИТСЯ. Онҳо духтарчаи ноболиғеро, ки қасди худкушӣ дошт, наҷот доданд
ДУШАНБЕ, 31.05.2018. /АМИТ «Ховар»/. Дирӯз кормандони шуъбаи хадамоти давлатии «Муҳофиза»-и шуъбаи Вазорати корҳои дохилӣ дар шаҳри Ваҳдат духтарчаи тахминан 12-14-солаи сокини шаҳри Ваҳдатро, ки бо мақсади худкушӣ худро аз пули болои дарёи Кофарниҳон, воқеъ дар шоҳроҳи Душанбе-Ваҳдат ба дарё партофт, наҷот доданд.
Тавре аз Вазорати корҳои дохилӣ ба мухбири АМИТ «Ховар» хабар доданд, корманди шуъбаи хадамоти давлатии «Муҳофиза»-и ШВКД дар шаҳри Ваҳдат, прапоршики калони милитсия Ғолибшо Саидов ва сержанти калони милитсия Маҳмадӣ Мӯсоев ин ҳодисаро дида, ба хотири наҷот додани ноболиғ худро ба дарёи пуртуғён андохтанд ва ӯро аз об берун оварданд.
Пас аз наҷот духтарчаи ноболиғро, ки дар ҳолати беҳушӣ қарор дошт, кормандони милитсия таъҷилан ба беморхонаи марказии шаҳри Ваҳдат бурданд. Дар айни ҳол ба саломатии ноболиғ хатаре таҳдид намекунад.
Ба иттилои манбаъ, аз ҷониби роҳбарияти ШХД «Муҳофиза»-и ШВКД дар шаҳри Ваҳдат барои анҷом додани чунин амали пурҷасорат прапоршики калони милитсия Ғолибшо Саидов ва сержанти калони милитсия Маҳмадӣ Мӯсоев қадрдонӣ карда шуданд.
Дар Рашт оид ба тарбияи ҷавонон ҳамчун воситаи муҳим дар муқовимат ба коррупсия машғулият доир гардид
Имрӯз дар баъзе минтақаҳои Тоҷикистон борони кӯтоҳмуддати хусусияти селӣ дошта пешгӯӣ мешавад
ТАҚВИМИ АМИТ «ХОВАР»: имрӯз 27 май, чоршанбе, 147-умин рӯзи соли 2026 аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
