Аз 14 то 17 май дар Тоҷикистон Рӯзҳои фарҳанги Беларус баргузор мегарданд
ДУШАНБЕ, 12.05.2018. /АМИТ «Ховар»/. Бо мақсади таҳким бахшидан ба робитаҳои фарҳангии Тоҷикистон ва Беларус аз 14 то 17 майи соли равон Рӯзҳои фарҳанги Беларус дар Ҷумҳурии Тоҷикистон баргузор мегарданд.
Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд, ҳайати эҷодӣ ва расмии Рӯзҳои фарҳанги Ҷумҳурии Беларус дар Ҷумҳурии Тоҷикистон 14-15 май ба шаҳри Душанбе ташриф меоранд. Вазири фарҳанги Ҷумҳурии Беларус Юрий Бондар роҳбарии ҳайати расмии Рӯзҳоро бар уҳда хоҳад дошт.
Дар доираи Рӯзҳои фарҳанги Ҷумҳурии Беларус дар Ҷумҳурии Тоҷикистон баргузории вохӯрии ҳайати расмии Рӯзҳо бо роҳбарияти Вазорати фарҳанги Тоҷикистон, нишасти матбуотӣ, Рӯзҳои кинои Беларус, намоишгоҳи асарҳои мусаввирӣ, барномаҳои консертӣ дар шаҳрҳои Душанбе ва Ваҳдат дар назар аст.
Барномаҳои консертӣ бо иштироки Ҳунарпешаҳои хизматнишондодаи Ҷумҳурии Беларус Владимир Громов ва Алёна Ланская, инчунин ҳунарпешаҳои Ансамбли давлатии академии хизматнишондодаи хореографии «Хорошки»-и Ҷумҳурии Беларус сурат хоҳанд гирифт.
Дар назар аст, ки 14 майи соли 2018 соати 14:00 дар Хонаи кинои «Зебуниссо» ифтитоҳи ботантанаи Рӯзҳои кинои Ҷумҳурии Беларус дар Ҷумҳурии Тоҷикистон баргузор гардад.
15 май сафари меҳмонон ба шаҳри Ваҳдат ва ташкили барномаи консертӣ дар Қасри фарҳанги шаҳри Ваҳдат дар назар аст. Инчунин меҳмонон аз Дараи Ромит дидан менамоянд. Соати 14:00-и ҳамин рӯз дар Хонаи кинои «Зебуниссо» идомаи Рӯзҳои кинои Ҷумҳурии Беларус дар Ҷумҳурии Тоҷикистон сурат мегирад.
Субҳи 16 май дар Китобхонаи миллии Тоҷикистон мулоқоти ҳайати расмии Рӯзҳои фарҳанги Ҷумҳурии Беларус дар Тоҷикистон ва роҳбарияти Вазорати фарҳанги Ҷумҳурии Тоҷикистон дар назар аст. Нишасти матбуотӣ бо рӯзноманигорон соати 10:00 баъди анҷоми мулоқоти расмӣ ба нақша гирифта шудааст.
Шоми 16 май соати 17:30 дар фойеи Театри давлатии академии опера ва балети ба номи С. Айнӣ намоишгоҳи осори санъати тасвирии «Беларус ва беларусҳо» ифтитоҳ меёбад.
Соати 18:00 дар толори театри мазкур барномаи бошукӯҳи консертии ҳунарпешагони беларусӣ манзури тамошобинони тоҷик мегардад.
Зарангези ЛАТИФ,
АМИТ «Ховар»
Дар аксҳои поён: ансамбли рақсии «Хорошки»; Ҳунарпешаҳои шоистаи Ҷумҳурии Беларус Владимир Громов ва Алёна Ланская
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
