Дар Бонки миллӣ дурнамои ҳамкории дуҷонибаи Тоҷикистон ва Иттиҳоди Аврупо муҳокима гардид
ДУШАНБЕ, 12.05.2018 /АМИТ «Ховар»/. Дурнамои ҳамкории дуҷонибаи Ҷумҳурии Тоҷикистон ва Иттиҳоди Аврупо, бахусус дар бахши иқтисодиёт ва молия дар мулоқоти Муовини якуми Раиси Бонки миллии Тоҷикистон Ҷамолиддин Нуралиев бо Сафир, Роҳбари Намояндагии Иттиҳоди Аврупо дар Ҷумҳурии Тоҷикистон Ҳидоят Бишчевич мавриди муҳокима қарор гирифт.
Тавре аз Бонки миллӣ хабар доданд, дар ҷараёни вохӯрӣ Муовини якуми Раиси Бонки миллии Тоҷикистон Ҷамолиддин Нуралиев дурнамои ҳамкории дуҷонибаро мавриди баррасӣ қарор дода, тадбирҳои андешидашуда дар даврони буҳрони иқтисодӣ, аз ҷумла ислоҳот дар низоми бонкӣ, татбиқи сиёсати босамари пулию қарзӣ бо истифодаи фишангҳои муосир, гузаштан ба реҷаи ҳадафгирии таваррум, идоракунии захираҳои байналмилалиро махсусан зикр кард.
Сафири Иттиҳоди Аврупо дар Тоҷикистон Ҳидоят Бишчевич дар навбати худ изҳор дошт, ки Иттиҳоди Аврупо барои таҳким бахшидани муносибатҳои дуҷонибаи судманд ва тавсеа ёфтани онҳо ҳавасманд мебошад. Бо дарназардошти муҳиммияти рушди босубот барои иқтисодиёти Ҷумҳурии Тоҷикистон, Иттиҳоди Аврупо омода аст дар доираи «Стратегияи миллии рушди Ҷумҳурии Тоҷикистон барои то соли 2030» ҳамкориро дар сатҳи хубтару беҳтар ба роҳ монад.
Ҳ. Бишчевич инчунин зикр намуд, ки дар доираи «Стратегияи Иттиҳоди Аврупо барои солҳои 2014-2020» Созишномаи ҳамкорӣ миёни Ҷумҳурии Тоҷикистон ва Иттиҳоди Аврупо ба тасвиб расидааст, ки мутобиқи он, ба Тоҷикистон давоми солҳои 2014-2020 маблағҳои грантӣ равона шуда истодаанд.
Бо иттилои манбаъ, дар интиҳои вохӯрӣ ҷонибҳо барои тақвият бахшидани ҳамкории сифатан нав, дастгирӣ ва пешниҳоди кумакҳо, инчунин ҷалби сармоя ҷиҳати пешбурди низоми бонкӣ ва дар маҷмӯъ иқтисодиёти Ҷумҳурии Тоҷикистон изҳори омодагӣ намуданд. Ҷиҳати боз ҳам таҳким бахшидани муносибатҳои ҳамкорӣ дар низоми бонкӣ ҷонибҳо ба мувофиқа омаданд, ки самтҳои афзалиятнок ва бахшҳои ба рушд эҳтиёҷдоштаро муайян намуда, дар якҷоягӣ барои дарёфти роҳҳои ҳалли онҳо чораҳои зарурӣ хоҳанд андешид.
Раиси вилояти Хатлон дар Қазоқистон бо ҳамватанон ва соҳибкорони тоҷик вохӯрӣ намуд
Дар марказҳои таълимии шаҳри Кӯлоб аз рӯи 52 касбу ихтисос мутахассис омода карда мешавад
Имрӯз дар шаҳри Душанбе ҳаво то 33 дараҷа гарм мешавад
Дар Коллеҷи омори шаҳри Ваҳдат ба муносибати қабули ташаббуси навбатии ҷаҳонии Тоҷикистон ҳамоиши илмӣ баргузор шуд
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
