Дар Душанбе ҳамоиши ҷумҳуриявии «Як рӯзи велосипедронӣ» доир шуд
ДУШАНБЕ, 05.05.2018 /АМИТ «Ховар»/. Субҳи имрӯз дар Боғи «Ҷавонон» ҳамоиши ҷумҳуриявии «Як рӯзи велосипедронӣ» доир шуд. Хабарнигорони АМИТ “Ховар” Холисаи АСОМИДДИН ва Мақсудҷони МУҲИДДИН бевосита ҷараёни ҳамоиши мазкурро муоина намуданд.
Дар оғози ҳамоиши мазкур муовини аввали Раиси Кумитаи кор бо ҷавонон ва варзиши назди Ҳукумати ҷумҳурӣ Ризо Назарзода суханронӣ намуда, иброз дошт, ки дар заминаи сиёсати варзишпарваронаи Пешвои миллат муҳтарам Эмомалӣ Раҳмон ва дастгирии ҳамешагии Раиси шаҳри Душанбе Рустами Эмомалӣ бори нахуст дар Тоҷикистон ҳамоиши ҷумҳуриявии «Як рӯзи велосипедронӣ» баргузор мегардад. Ин иқдом имкон медиҳад, ки мардум бештар ба варзиш, солимгардонӣ ва таҳкими тарзи ҳаёти солим рӯ оранд.
«Имрӯз роҳбарону кормандони ҳар як сохтор бо велосипед ба кор мераванду давоми рӯз аз он истифода мекунанд, ки ин ба саломатӣ, хароҷоти молиявӣ ва ба фазои экологии ҷумҳурӣ фоидаи калон мерасонад. Бо боварӣ метавон гуфт, ки ин иқдом минбаъд низ дар ҳаёти ҳаррӯзаи шаҳрвандону ҷавонон анъана мегардад ва онҳо дар кори ҳамарӯзаи худ аз велосипед истифода мекунанд», — афзуд Р. Назарзода.
Ба андешаи мудири бахши таҳлил ва иттилооти Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зубайдулло Маҳмадуллоев, тадбирҳое, ки имрӯз андешида мешаванд, махсусан барои таҳкими тарзи ҳаёти солим равона шудаанд.
«Мо, ки тадбиқкунандаи соҳаи тарбияи ҷисмонӣ ва варзиш ба ҳисоб меравем, тасмим гирифтем, ки бо мақсади таҳкими интихоби тарзи ҳаёти солим дар байни ҷомеа ва наврасону ҷавонон бо велосипед ба кор равем ва давоми рӯз дилхоҳ фаъолияте, ки берун аз макони корӣ пайдо мешавад бо велосипед ба анҷом расонем. Ин иқдом барои ҷомеа аз ҷиҳати саломатӣ ва вазъи иқтисодӣ манфиатовар мебошад»,- илова намуд З. Маҳмадуллоев.
Ҷонишини Директор оид ба варзиш дар Мактаб-интернати варзишӣ Раҳматҷон Норматов баён намуд, ки дар ҳамоиши ҷумҳуриявии «Як рӯзи велосипедронӣ» мактаббачаҳо бо шавқи беандоза иштирок менамоянд. “Мо масъулини соҳаи варзиш минбаъд низ кӯшиш ба харҷ медиҳем, ки ин намуди варзиш дар байни ҷомеа бештару беҳтар ба роҳ монда шавад”, — тазаккур дод Р. Норматов.
Давоми рӯз дар боғҳои фарҳангӣ — фароғатӣ ва гулгаштҳои ҳудуди ҷумҳурӣ сокинон ба таври васеъ ба ин намуди варзиш ҷалб карда мешаванд.
Ёдовар мешавем, ки ҳамасола 5 май дар Тоҷикистон ҳамоиши ҷумҳуриявии «Як рӯзи велосипедронӣ» баргузор хоҳад шуд.
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
